PM:09:32:23/02/2025
140 جار خوێندراوەتەوە
+
-
لە خولی ئینگلتەرا لیڤەرپوڵ یاری لوتکەی بە دوو گۆڵی بێوەڵام لە مان سیتی بردەوە.
لە یاری لوتکەی هەفتەی 26 ی خولی ئینگلتەرا، یانەی مانچستەر سیتی لە یاریگای ئیتیحادی تایبەت بە خۆی میوانداری لیڤەرپوڵی کرد.
تایمی یەکەم، رێدز ئاستێکی نموونەیی پێشکەشکرد و لە خولەکەکانی 14 و 37 دوو گۆڵی لە رێگەی سەڵاح و سۆبۆسلای تۆمارکرد و بەو ئەنجامە نیوەی کۆتایی هات.
لە تایمی دووەم، یارییەکە هاوسەنگی بەخۆیەوە بینی و لیڤەر پارێزگاری لەو دوو گۆڵەیکرد و ئەنجامەکە تا کۆتایی وەک خۆی مایەوە.
سەرەنجام لیڤەر بە دوو گۆڵی بێبەرامبەر یارییەکەی بردەوە و برینەکانی سیتی قوڵتر کردەوە، رێدز بەو بردنەوەیە بە کۆکردنەوەی 56 خاڵ بێ رکابەر پێشەنگی گرتووە و مان سیتی لە پلەی چوارەمە بە 44 خاڵ.
بیلال کاکە