AM:10:10:18/02/2025
272 جار خوێندراوەتەوە
+
-
لە جامی دەوحە ئەلکاراز بردنەوەی بەسەر سیلیچ بەدەستهێنا و گەیشتە قۆناغی
دووەم.
لە دەستپێکی پاڵەوانێتی دەوحە بۆ تێنسی سەرزەوی، کارلۆس ئەلکارازی ئیسپانی
بەرامبەر مارین سیلیچی کڕواتی یاریکرد.
لە سەرەتای یارییەکەوە، یاریزانە ئیسپانییەکە بە ئاستێکی بەرزەوە دەرکەوت و
سەرەنجام دوای یەک کاتژمێر و 36 خولەک بە دوو کۆمەڵەی بێبەرامبەر یارییەکە
بباتەوە، خاڵەکانی هەردوو کۆمەڵەکەش شەش بە چوار گێم بوون.
لە یارییەکانی تریشدا، ئەلێکس بۆبیرینی ئیسپانی رووبەڕووی جاک دریبەری
بەڕیتانی بووەوە و لە ئەنجامێکی چاوەڕوان نەکراودا بە دوو کۆمەڵەی بێبەرامبەر
یارییەکەی پێدۆڕاند.
هەریەکە لە مارۆزانی هەنگاری و کۆنێلی ئوستراڵی بردنەوەیان بەسەر دۆڤازی
تونسی و حەبیبی لوبنانی بەدەستهێنا،گریگۆر دیمیترۆڤیش شکستیهێنا بەرامبەر جێری
لێچکا.
دوای ئەو ئەنجامانە، کارلۆس ئەلکاراز و دریبەر و مارۆزان و لێچکا گەیشتنیان
بە قۆناغی دووەمی پاڵەوانێتیەکە مسۆگەر کرد، سیلیچ و دیمیترۆڤ و بۆبیرین
ماڵئاواییانکرد.
خ . ک