PM:03:08:14/02/2025
316 جار خوێندراوەتەوە
+
-
سبەینێ لە خولی ئیسپانیا ریاڵ مەدرید
رووبەرووی ئۆساسۆنا دەبێتەوە و لە ئەڵمانیا و ئیتاڵیا یاری لوتکە بەڕێوەدەچێت.
یارییەکانی ئەم وەرزەی خولی ئیسپانیا بەردەوامی
هەیە و سبەینێ لە هەفتەی 24 و لە کاتژمێر شەش و 15 خولەکدا، یانەی ریاڵ مەدرید لە
دەرەوەی یاریگای خۆی دەبێتە میوانی ئۆساسۆنا.
ریاڵ مەدرید لە ئێستادا بە کۆکردنەوەی 50
خاڵ لە پێشەنگی ریزبەندیدا دەبینرێت و دەیەوێت بە بردنەوە لەو یارییەدا پارێزگاری
لە پێگەکەی بکات و بەردەوام بێت لە پلەکەی.
دواتریش لە کاتژمێر هەشت و 30 خولەکدا،
یانەی ئەتلەتیکۆ مەدرید رووبەڕووی سێلتا ڤیگۆ دەبێتەوە و ئامانجی بەدەستهێنانی سێ
خاڵی ئەو یارییەیە تا لانی کەم لە پلەکەی خۆیدا بمێنێتەوە و چاوەڕێی شکست یان
یەکسانبوونی ریاڵ مەدرید بکات تا بتوانێت بچێتە پێشەنگی ریزبەندی.
هەر سبەینی بەڵام لە خولی ئەڵمانیا و لە
یاری لوتکەدا یانەی بایرن میونشنی پێشەنگی ریزبەندی لە دەرەوەی یاریگای خۆی
رووبەڕووی یانەی بایەر لیڤەرکوزنی دووەمی ریزبەندی دەبێتەوە.
لە خولی ئیتاڵیا و لە کاتژمێر هەشت، یانەی
لازیۆ لە یارییەکی بەهێزدا میوانداری ناپۆلی دەکات، دواتر میلان رووبەرووی هیلاس
ڤیرۆنا دەبێتەوە، لە خولی فەرەنساش پاریس سان جێرمان بەرامبەر تۆڵۆز یاریدەکات.
خ . ک