AM:08:57:13/02/2025
256 جار خوێندراوەتەوە
+
-
ڤان دایک نیگەرانی خۆی بە یەکسانبوونیان
لەگەڵ ئیڤەرتۆن دەربڕی و هێرشی کردە سەر ناوبژیوانیش.
پاش ئەوەی لە دوا خولەکەکان لیڤەرپول بەرامبەر
ئیڤەرتۆن گۆڵی لێ تۆمارکرا و نەیتوانی یارییە دواخراوەکەی هەفتەی 15 بباتەوە،
ڤێرجیل ڤان دایکی کاپتنی یانەکە رایگەیاند، یارییەکی پڕ لە فشاریان ئەنجامداوە و
دڵتەنگن چونکە لە کۆتا خولەکەکان گۆڵیان لەسەر تۆمارکراوە.
سەبارەت بە بڕیارەکەی ناوبژیوان مایکل ئۆلیڤەر ئاماژەی بەوەشکرد، پێموایە
ناوبژیوان ڕۆڵێکی گەورەی بینی لە یارییەکەدا، لەڕووی هەندێک دیمەنی فاوڵگردن و فاوڵ
نەگردن ، بەڵام لە کۆتاییدا لە ساتێکدا گۆڵمان لێ تۆمارکرا و نائومێکەربوو.
باسی لەوەشکرد لە دۆخێکی باشدان لە پریمەر لیگ ئەویش بەهۆی ئەوەیە بەباشی
هەوڵیانداوە و خۆیان سەلماندووە، ئەو وەک کاپتن هانی هەموو یاریزانەکانیان دەدات و
تەنیاش چاوی لە خۆیانە.
وتیشی: دەبێت هەوڵ بدەین لە هەموو یارییەکدا سەرکەوتن بەدەست بهێنین و گرنگی
بەو شتانە نەدەین کە ئەوانی تر دەیکەن، پێویستە تەنها سەرنجمان لەسەر خۆمان بێت و
هەوڵبدەین لە باشترین ئاستی خۆماندا بین.