PM:08:24:06/02/2025
284 جار خوێندراوەتەوە
+
-
لیڤەرپوڵ
دەیەوێت دی یۆنگ لە بەرشەلۆنە بگوازێتەوە بە بڕی 35 ملیۆن یۆرۆ و ئەم گرێبەستە لە
هاوینی داهاتوودا ئەنجام بدات.
رۆژنامەی
زەسەن بڵاویکردووەتەوە بەرپرسانی یانەی لیڤەرپوڵ دەیانەوێت لە هاوینی داهاتوودا پاداشتی
سڵۆتی راهێنەر بدەنەوە و کۆمەڵێک یاریزانی لەسەرجەم پێگەکانی یاریگادا بۆ
بگوازنەوە.
سەرچاوەکە
ئاماژەی بەوەکردووە یەکێک لەو یاریزانانەی کارگێری یانە ئینگلزییەکە ئامادەیە بیگوازێتەوە
فرێنکی دی یۆنگە لە یانەی بەرشەلۆنە و بۆ ئەم مەبەستە 35 ملیۆن یۆرۆیان بۆ
ئامادەکردووە.
ئەو
ئەستێرە هۆڵەندییە پاش ئەوەی تووشی پێکانبوو پێگەی سەرەکی یانەکەی بۆ کاسادۆ
لەدەستداوە و وەک یاریزانی جێگرەوە مامەڵەی لەگەڵدا دەکرێت، هەربۆیە بیر لە
جێهێشتنی یانەکەی دەکاتەوە، لە ساتی هاتنی گرێبەستێکی باشدا.
گرێبەستی
یاریزانەکە لەگەڵ بلەوگرانا لە هاوینی ساڵی 2026 کۆتایی پێدێت و ئەگەر یاریزانەکە
رازی نەبێت بە نوێ کردنەوەی ماوەکەی بارسا لە هاوینی داهاتوو بیر لە بەڕێکردنی
دەکاتەوە.
فرێنکی
دی یۆنگ زیاتر لە شەش ساڵە بەدرێسی یانەی بەڕشەلۆنە یاری ئەنجام دەدات و
لەوماوەیەدا 234 یاری ئەنجامداوە و توانیوێتی 19 گۆڵ و 22 ئەسیست تۆماربکات.
چ.س