PM:05:04:31/01/2025
272 جار خوێندراوەتەوە
+
-
بەرشەلۆنە دەیەوێت گرێبەستی یاماڵ نوێ بکاتەوە و پاداشتی
ئەو یاریزانە بداتەوە لە پای ئاستە بەرزەکەی.
پرۆگرامی ئێلچیرینگیتۆی ئیسپانی بڵاویکردووەتەوە ئامانجی
یانەی بەرشەلۆنە نوێ کردنەوەی گرێبەستی ئەستێرەکانێتی و پارێزگاریکردنە لە
تواناکانیان.
سەرچاوەکە بڵاویکردووەتەوە گرێبەستی یاماڵ لە هاوینی
2026 کۆتایی پێدێت بەڵام بارسا دەیەوێت تاوەکوو هاوینی 2030 ماوەکەی درێژ بکاتەوە.
لەهەمان کاتدا بلەوگرانا ئامادەن پاداشتی یاریزانەکە
بدەنەوە و مووچەکەی بەرزبکەنەوە بۆ هەشت ملیۆن یۆرۆ.
ئەم هەنگاوەی بەرشەلۆنە پاراستنی ئەستێرەکەیانە لەدەستی
یانەکانی سعودییە و پاریس سان جێرمان چونکە دەیانەوێت بە مووچەیەکی خەیاڵی ئەو
ئەستێرە ئیسپانییە رازی بکەن بەرۆشتن.
لامین یاماڵ سەرجەم قۆناغەکانی یانەی بەرشەلۆنە
تێپەراندووە و دەرچووی ئەکادیمیای لاماسیایە و لەگەڵ تیپی یەکەمی یانە
کەتەلۆنییەکە بەشداری 79 یاری کردووە و لەوماوەیەدا توانیوێتی 17 گۆڵ و 19 ئەسیست
تۆماربکات، ئاستێکی تەواو سەرنج راکێش پێشکەش دەکات.