AM:01:06:30/01/2025
520 جار خوێندراوەتەوە
+
-
لە چامپیۆنز لیگ ریاڵ مەدرید سەرەڕای بردنەوە لە برێست لە قۆناغی پلەی ئۆفدایە و ئارسناڵ بردیەوە و یۆڤانتۆس و میلان دۆڕان.
لە کۆتا جەولەی قۆناغی یەکەمی چامپیۆنز لیگ، یانەی ریاڵ مەدریدی ئیسپانی لە دەرەوەی یاریگای خۆی بووە میوانی یانەی برێستی فەرەنسی.
تایمی یەکەم بە گۆڵێکی بێبەرامبەر لە سوودی ریاڵ مەدرید کۆتاییهات، گۆڵەکەش رۆدریگۆ لە خولەکی 27 تۆماریکرد.
لە تایمی دووەمدا و لە خولەکەکانی 56 و 78 بێلینگهام و رۆدریگۆ دوو گۆڵی تریان بۆ ریاڵ مەدرید تۆمارکرد و سەرەنجام یارییەکەیان بە سێ گۆڵی بێبەرامبەر بردەوە.
لە یارییەکانی تریشدا، یانەی ئارسناڵ رووبەڕووی جیرۆنا بووەوە و بە دوو گۆڵ بەرامبەر گۆڵێک بردنەوەی بەسەردا بەدەستهێنا، میلان و یۆڤانتۆسیش بە دینامۆ زەگرەب و بەنفیکا دۆڕان، سپۆرتینگ و بۆلۆنیا یەکسانبوون و شتۆرم گراتس لە لایپزیگی بردەوە.
بەو ئەنجامانە، ریاڵ مەدرید بە کۆکردنەوەی 15 خاڵ لە پلەی 11دایە و چووە قۆناغی پلەی ئۆف هاوشێوەی میلان و بەنفیکا و یۆڤانتۆس و سپۆرتینگ و برێست، ئارسناڵیش بە پلەی سێیەم گەیشتە قۆناغی 16.
خ . ک