PM:11:48:29/01/2025
220 جار خوێندراوەتەوە
+
-
ئەمۆریم دوپاتیکردەوە ئامانجیان تەنها بردنەوەیە و گرنگی بە ریزبەندی ئێستایان لە پریمەر لیگ نادەن.
رۆبن ئەمۆریمی راهێنەری یانەی مانچستەر یونایتد پێش یارییەکەیان بەرامبەر ستیوا بوخارست لە یۆرۆپا لیگ رایگەیاند، پاڵەوانێتییەکی گەورەیە و دەیانەوێت تا دوورترین قۆناغ بڕۆن.
ئەمۆریم وتی: لەم یارییەدا تاکە ئامانجمان تەنها بردنەوەیە و بیر لە هیچ ئەنجامێکی تر ناکەینەوە چونکە سوودمان پێناگەیەنێت و دەمانەوێت راستەوخۆ بگەینە قۆناغی 16.
وتیشی: لە پێکهاتەی یانەکەم رازیم بەڵام پێویستمان بە گرێبەستی نوێش هەیە چونکە دەمانەوێت لەسەرجەم پاڵەوانێتییەکاندا کێبڕکێ بکەین.
لەسەر لێدوانەکانی پێشووی، ئەمۆریم دەڵێت، تەنها مەبەستم راشفۆرد نەبووە بەڵکو بارودۆخەکە بۆ هەموو یاریزانەکان یەکسانە، هەر یەکێکیان باشترینیخۆی پیشان نەدات لە راهێناندا بە دڵنیاییەوە لە یارییەکان بەشداری پێناکرێت، راشفۆردیش گرنگە بۆ یانەکەمان بەڵام تا ئەو کاتەی نەگاتەوە ئاستە بەرزەکەی بۆچونم ناگۆڕێت لەسەری.
ئاماژەی بەوەشدا کە دەیەوێت یانەکەی بگەیەنێتە بەرزترین ئاست و لە ئێستادا بەهۆی ئەوەی بارودۆخیان باش نییە و کاتێکی خراپ بەڕێدەکەن گرنگی بە ریزبەندی یانەکەیان لە پریمەر لیگ نادات.
خ . ک