PM:12:29:21/12/2024
152 جار خوێندراوەتەوە
+
-
مان یونایتد بە
نیازی ئاڵوگۆڕ کردنی راشفۆردە بە دی یۆنگ و یانە سعودییەکانیش هەمان یاریزانیان
دەوێت.
مارکۆس راشفۆردی
یاریزانی مانچستەر یونایتد بە بارودۆخێکی خراپدا تێدەپەڕێت لە یانەکەی بەهۆی
پشتگوێخستنی لەلایەنی رۆبن ئەمۆریمی راهێنەری یانەکە و بە ئەگەری زۆریشەوە خراوەتە
لیستی فرۆشتنەوە.
تۆڕی تیم تۆڵک لە
هەواڵێکی چاوەڕوان نەکراودا باسی لەوە کردووە کە ئەگەری گرێبەستێکی گەورە هەیە لە
نێوان هەردوو یانەی مانچستەر یونایتد و بەرشەلۆنە لە مێرکاتۆی زستانەدا.
تۆڕەکە ئاشکرایکردووە، بەرپرسانی شەیتانە
سوورەکان بە نیازن مارکۆس راشفۆردی هێرشبەری یانەکەیان ئاڵوگۆڕ پێبکەن بە فرینکی
دی یۆنگی ناوەڕاستکاری یانەی بەرشەلۆنە.
ئاماژەی بەوەشدا،
یانە ئینگلیزیەکە دەستپێشخەر بووە لەو بابەتەدا بە شێوەیەک کە لە مێرکاتۆی زستانەی
مانگی داهاتوودا ئەو کارە ئەنجامبدرێت، لە ئێستاشدا ئەو بابەتە خراوەتە بەردەم
خوان لاپۆرتای سەرۆکی یانەی بەرشەلۆنە و دیکۆی بەڕێوەبەری وەرزشی هەموو یانە.
لە لایەکی ترەوە،
بن جاکۆبسی رۆژنامەنووسی بەڕیتانی دوپاتیکردەوە کە راشفۆرد لەلایەن یانەکانی
ئیتیحاد و ئەهلی و قادسیەی سعودییەوە گرنگی پێدەدرێت و دەیانەوێت بیگوازنەوە
ریزەکانی یانەکەیان.
خ . ک