PM:10:42:10/12/2024
616 جار خوێندراوەتەوە
+
-
لە چامپیۆنز لیگ لیڤەرپول بە گۆڵێکی بێوەڵام لە جیرۆنای بردەوە و سێڵتیک و
دینامۆزەگربیش یەکسانبوو.
لە یارییەکانی قۆناغی یەکەمی چامپیۆنز لیگ، جیرۆنا لە یاریگای خۆیدا
میوانداری لیڤەرپولی کرد.
لە تایمی یەکەم، کۆنترۆڵی تۆپ زیاتر لەلای ریدز بوو بەڵام هەوڵی دوو لایەنە
بینرا بۆ گۆڵ تۆمارکردن، سەرەڕای ئەوەش تایمەکە بەبێ گۆل کۆتایی پێهات.
لە تایمی دووەم هەمان سیناریۆی تایمی یەکەم بینرا لەرووی کۆنترۆڵی یاری و
هەل درووستکردنەوە، بەڵام لە خولەکی 63 محەمەد سەڵاح بە لێدانی سزا لیڤەرپولی پێشخشت،
سەرەنجامیش یارییەکە بەو تاکە گۆڵە کۆتایی پێهات و کوڕانی سلۆت خاڵەکانیان لە
یەکەمی ریزبەندی گەیاند بە 18 خاڵ، جیرۆناش تەنیا سێ خاڵی هەیە و لە پلەی 30یەم
دێت.
لە یارییەکی تریشدا سێڵتیک و دینامۆزەگرب بەبێ گۆڵ یەکسانبوون.