PM:08:45:15/10/2024
136 جار خوێندراوەتەوە
+
-
یەکێتی تۆپی
پێی ئینگلتەرا تەنیا گواردیۆلای بۆ راهێنەرایەتی دیارینەکردووە و لە ئێستادا لەگەڵ
تۆخێل لە دانوستاندایە.
لە رۆژانی
رابردوو ڕۆژنامەی تایمز لە ڕاپۆرتێکدا بانگەشەی ئەوەی کرد کە یەکێتی تۆپی پێی ئینگلتەرا
لە دانوستانێکی پێشکەوتوودایە لەگەڵ پیپ گواردیۆلا و هەردوولا نزیکن لە رێکەوتن، بەڵام
سکای سپۆرت لە ڕاپۆرتێکدا باسێکی جیاوازی خستوەتەڕوو.
سکای بە پشت
بەستن بە سەرچاوەکانی خۆی لە یەکێتی تۆپی پێی وڵاتەکە ڕایگەیاندووە، پرۆسەی گەڕان
بۆ دۆزینەوەی ڕاهێنەر بۆ هەڵبژاردەی ئینگلتەرا تازە دەستی پێکردووە و یەکێتییەکە
لەگەڵ پیپ رێنەکەوتووە لە ئێستاشدا دانوستان لەگەڵ تۆماس تۆخێل دەکەن.
باسیشی
لەوەکردووە، توخێل هاوشێوەی پیپ یەکێک بووە لە بژاردە سەرەکییەکانی یەکێتیەکە بۆ سەرکردایەتیکردنی
هەڵبژاردەی ئینگلتەرا لە یەکەم ڕۆژی دەستلەکارکێشانەوەی گاریس ساوسگەیتەوە.
دوای ڕۆیشتنی
ساوسگەیت، لی کارسلی کە پێشتر ڕاهێنەری هەڵبژاردەی هەڵبژاردەی ئینگلتەرای خوار تەمەن
21 ساڵ بوو، وەک جێگرەوەی کاتی راهێنەرەکە دیاریکراوە.