PM:06:51:21/12/2024
272 جار خوێندراوەتەوە
+
-
بەرشەلۆنە دەیەوێت لە مانگی یەکی ساڵی داهاتوو گارسیا
بفرۆسێت و هیوادارە زیاتر لە 25 ملیۆن یۆرۆ لە فرۆشتنی بەدەستبهێنێت.
پێگەی فتبوڵ ترانسفێر بڵاویکردووەتەوە بەرپرسانی یانەی
بەرشەلۆنە ئامادەن لە مانگی یەکدا لەگەڵ هەر یانەیەک بیەوێت گفتوگۆ ئەنجام بدەن
سەبارەت بە فرۆشتنی ئیرک گارسیا.
سەرچاوەکە باسی لەوەکردووە بلەوگرانا هیوادارە لە
فرۆشتنی گارسیا زیاتر لە 25 ملیۆن یۆرۆی دەست بکەوێت و بەمەش دەیانەوێت کێشەی ناوتۆمارکردنی
ئۆلمۆ چارەسەربکەن.
سەرچاوەکە باسی لەوەکردووە لە ئینگلتەرا خواست هەیە بۆ
کڕینی ئەم بەرگریکارە ئیسپانییە، بەتایبەت یانەکانی چێڵسی و نیوکاسڵ ئامادەن
گرێبەستی پێشکەش بکەن.
گرێبەستی ئیرک گارسیا لە هاوینی ساڵی 2026 کۆتایی پێدێت
و یاریزانەکە دەتوانێت تاکۆتایی ماوەی گرێبەستەکەی لەگەڵ بەرشەلۆنە بەردەوام ببێت.
بەرگریکارە 23 ساڵانەکە لەگەڵ یانە کەتەلۆنییەکە بەشداری
82 یاری کردووە و لەوماوەیەدا توانیوێتی یەک گۆڵ و سێ ئەسیست تۆماربکات.