PM:07:21:11/10/2024
364 جار خوێندراوەتەوە
+
-
بەرپرسێکی پێشووی مانچستەر یونایتد خواستی یانەکەی بۆ رزگاربوون لە
کاسێمیرۆ دوپاتکردەوە.
میک براون، بەرپرسێکی پێشووی یانەی مانچستەر یونایتدە و لە لێدوانێکدا بۆ ڕۆژنامەی
فوتبۆڵ ئینسایدەر روونیکردەوە، مان یونایتد چاوەڕێی گواستنەوەی زستانە دەکات تا لە
کارلۆس کاسێمیرۆ رزگاری ببێت.
دوپاتیشیکردەوە، یاریزانە بەڕازیلیەکە چیتر بەشێک نییە لە پلانەکانی ئیریک
تین هاگی راهێنەری هۆڵەندی یانە ئینگلیزیەکە و شەیتانە سورەکان دەیەوێت بە
رزگاربوون لێی پارەیەکی باشی بۆ بگەڕێتەوە.
میک براون وتیشی: تا ئێستا یانەکە کاسێمیرۆی لە بڕیارەکەی ئاگادار نەکردووە
و دەرگاری رۆیشتنی بەروویدا نەکردووەتەوە، بەڵام لە گواستنەوەی زستانەدا هەموو شتێک
یەکلا دەبێتەوە.
میک براون بۆ ماوەی دە ساڵ لە یانەی مانچستەر یونایتد کاری کردووە، و بە
گوێرەی ڕۆژنامەی فوتبۆڵ ئینسایدەر تا ئێستاش پەیوەندییەکی بەهێزی لەگەڵ بەرپرسانی یانەکەدا
هەیە.