PM:11:53:10/10/2024
324 جار خوێندراوەتەوە
+
-
لە نەیشنز لیگ ئینگلتەرا شکستی هێنا لە
بەرامبەر یۆنان و دوو بە یەک پێی دۆرا، هالاندیش سەرکردایەتی نەرویجی کرد بۆ
بردنەوە.
لە قۆناغی کۆمەڵەکانی نەیشنز لیگ، هەڵبژاردەی
ئینگلتەرا لە یاریگای خۆیدا میوانداری یۆنانی کرد.
لە تایمی یەکەم، سەرەڕای هەوڵەکانی هەردوولا
هیچ گۆڵیک نەبینرا و بەبێ گۆل کۆتایی پێهات.
لە تایمی دووەم، هەر لەگەڵ دەستپێک ڤانگێلیس
پاڤلیدیس گۆڵی پێشکەوتنی یۆنانی تۆمارکرد، پاش ئەوەش کوڕانی ئینگلتەرا هەوڵەکانیان
بۆ یەکسانکردنەوەی ئەنجامەکە دەستپێکرد و دواجار لە خولەکی 88 توانیان لە ڕێگای جود
بێلینگهامەوە گۆڵیک تۆماربکەن و لە یەکسانکردەوەی ئەنجامەکە سەرکەوتوو بن.
بەڵام دڵخۆشیان زۆری نەخایاند و لە خولەکی
چواری کاتی زیادکراو پاڤلیدیس دووەم گۆڵی خۆی و هەڵبژاردەکەی تۆمارکرد و سەرەنجامیش
یارییەکە بە بردنەوەی کوڕانی یۆنان کۆتایی پێهات.
لە یارییەکانی تریشدا نەرویج بە سێ گۆڵی بێوەڵام
لە سلۆڤینیای بردەوە و نەمساش بە چوار گۆڵی بێوەڵام شکستی بە کازاخستان هێنا.