PM:11:43:10/10/2024
228 جار خوێندراوەتەوە
+
-
لە نەیشنز لیگ ئیتاڵیا و بەلجیکا بە دوو گۆڵ یەکسان بوون و فەڕەنساش
گۆڵبارانی ئیسرائیلی کرد.
لە قۆناغی کۆمەڵەکانی نەیشنز لیگ، ئیتاڵیا لە یاریگای خۆیدا میوانداری
بەلجیکای کرد.
لە تایمی یەکەم کوڕانی ئیتاڵیا بەبەهێزی دەستیان پێکرد و لە خولەکی
یەک لەڕێگای کامبیاسۆوە گۆلی یەکەمیان تۆمارکرد، پاشان بە تەواوی کۆنترۆڵی یارییەکەیان
کرد و لە خولەکی 24 رێتیگوی دووەم گۆڵی هەڵبژاردەکەی تۆمارکرد.
بەڵام لە خولەکی 40 پێلیگرینی بە کارتی سور لە ریزەکانی ئیتاڵیا کرایە
دەرەوە و ئەوش وایکرد ئاستیان داببەزێت و لە خولەکی 42ش کوپێر گۆڵێکی بۆ
بەلجیکییەکان تۆمارکرد.
لە تایمی دووەمیش، بەلجیکا باشتر بینرا و لە خولەکی 61یش لە رێگای ترۆساردەوە ئەنجامەکەیان
یەکسانکردەوە و سەرەنجامیش یارییەکە بە دوو گۆڵی یەکسان کۆتایی پێهات.
لە یارییەکی تریشدا فەڕەنسا گۆڵبارانی ئیسرائیلی
کرد و بە چوار گۆڵ بەرامبەر بە گۆڵێک لێی بردەوە، بەمجۆرەش ئیتاڵیا بە حەوت خاڵ لە
یەکەمی کۆمەڵەکە مایەوە و فەڕەنساش بە شەش خاڵ لە پلەی دووەم دێت و بەلجیکاش بە
چوار خاڵ پلەی سێیەمی گرتووە.