PM:10:15:10/10/2024
304 جار خوێندراوەتەوە
+
-
رۆناڵدینۆ بەشێک لە پشکەکانی یانەی گرینڤیڵ ترێمفی کڕیەوە و یانەکەش
خۆشحاڵی خۆیان لەوبارەیەوە دەربڕی.
رۆناڵدینیۆی ئەفسانەی تۆپی پێی بەڕازیلی لە قۆناغێکی نوێیدا
سەرمایەکەی هێناوەتە نێو جیهانی تۆپی پێ و توانی ببێتە هاوپشک لە یانەی گرینڤیڵ
ترێمفی ئەمریکی و یانەکەش لە راگەیەندراوێکی فەرمیدا خۆشحاڵی خۆیان دەربڕی سەبارەت
بەو بابەتە.
جادووگەرەکە یەکێکە لە ئایکۆنە دیارەکانی مێژووی تۆپی پێ و خاوەنی
هەوادارێکی زۆرە لە سەرتاسەری جیهاندا و دوو جار باشترین یاریزانی فیفا و جارێکیش
باڵۆندۆری بردووەتەوە، کڕینەوەی بەشێکی یانە ئەمریکییەکەش لە کاتێکدایە راپۆرتەکان
لە ساڵی 2023 باسیان لە مایەپوچبوونی دەکرد.
پرۆژەکە بۆ ئەفسانە بەڕازیلیەکە گشتگیرە و چاودێری تیمە جیاوازەکانی
یانەکە بۆ ئاستی پیاوان و ئافرەتانیش دەکات و برەو بە پێشخستنی ئاستەکان دەدات، تیپی کوڕانی یانەکە لە خولی پلە چواری ئەو وڵاتە یاریی دەکات و چاویان لەوەیە بە
هاتنی رۆناڵدینیۆ بەرەوپێشچوون بەخۆیانەوە ببینن.