PM:04:48:10/10/2024
240 جار خوێندراوەتەوە
+
-
دۆرتمۆند گرێبەستی کۆتۆی کرد بە هەمیشەی بە 30 ملیۆن یۆرۆ و بە فەرمی
یاریزانەکە مان سیتی بەجێهێشت.
یان کۆتۆ کە یاریزانی مان سیتی بوو بەڵام بە خواستن یاری دۆرتمۆند دەکرد بە
بڕی 30 ملیۆن یۆرۆ گرێبەستی هەمیشەی بۆ کاراکرا بووە یاریزانی یانە ئەڵمانییەکە، کۆتۆ
لەم وەرزەدا پێگەیەکی باشی لە بیرۆکەکانی نوری شاهین هەیە و ئاستێکی بەرزی پێشکەش
کردووە.
یاریزانە بەڕازیلییەکە لە حەوت یاریدا 331 خولەک لە یاریگادا بووە و بۆتە یاریزانێکی
گرنگ بۆ دۆرتمۆند، ئەمە لە کاتێکدا هیچ یارییەکی فەرمی بۆ مان سیتی ئەنجام نەدا.
کۆتۆی تەمەن 22 ساڵ لە دوو وەرزی ڕابردوودا لە ریزەکانی جیرۆنا یاریدەکرد، وەرزی
پێشووش یەکێک بوو لە پایەکانی تیپەکە و رۆڵێکی گرنگی گێرا لە بەدەستهێنانی پشکی
چامپیۆنزلیگ بۆ یانەکە.
جێی باسە، بەرگریکارە بەڕازیلییەکە لە ساڵی 2020 لە یانەی قورتوبەوە بە پارەیەکی
کەم پەیوەندی بە سیتیەوە کرد و یانەکەش قازانجێکی بەرچاوی بەدەستهێنا بە فرۆشتنی،
لەو ماوەیەشدا بە خواستن یاری بۆ یانەکانی جیرۆنا و براگا کردووە و لە هاویندا بە
خواستن درایە دۆرتمۆند پێش ئەوەی گرێبەستەکەی لە ئێستادا ببێتە هەمیشەیی.