PM:05:07:06/10/2024
372 جار خوێندراوەتەوە
+
-
یانەی بەرشەلۆنە بێ هیوا بووە لە تواناکانی فاتی و
دەرگای رۆیشتن بەروویدا دەکاتەوە.
بەگوێرەی ڕاپۆرتێکی فوتبۆڵی ئیسپانیا، بەرشەلۆنە پێشوازی
لە بیرۆکەی ڕۆیشتنی ئەنسۆ فاتی لە زستاندا دەکات، ئەگەر نەتوانێت خۆی لە بەرامبەر
فلێک بسەلمێنێت.
ئاماژەی بەوە کردووە، فلێک تواناکانی ئەنسۆ فاتی بەرز
نرخاندووە و لە یانەکە هێشتوویەتییەوە، بەڵام بەو مەرجەی خۆی بەرەوپێش ببات، لە ئێستاشدا
ئومێدی بە یاریزانەکە نییە.
دوپاتیشیکردەوە، بەرشەلۆنە لە وەرزی زستاندا دوو بژاردەی
لەبەردەمدایە سەبارەت بە فاتێ، یەکەمیان بژاردەی دووبارە ناردنی بۆ یانەیەکی دیکە
بە خواستن یان ئەگەری فرۆشتنی یەکجاری کە ئۆفەری گونجاوی بۆبێت.
فاتی تەمەنی 21 ساڵە و هێرشبەری باڵی چەپە، گرێبەستەکەی
لە هاوینی 2027 لەگەڵ بلاوگرانا کۆتایی دێت، لەگەڵ ئەو یانە کەتەلۆنییەش لەکۆی 114
یاریدا 29 گۆڵ و 10 ئەسیستی تۆمار کردووە.
بیلال کاکە