PM:05:44:04/10/2024
220 جار خوێندراوەتەوە
+
-
سبەینێ لە خولی
ئیسپانیا ریاڵ مەدرید میوانداری ڤیاڕیاڵ دەکات و لە پریمەر لیگ مان سیتی و ئارسناڵ
بەجیا یاریان هەیە.
یارییەکانی خولە
ناوخۆییەکانی ئەوروپا بەردەوامی هەیە و سبەینێ لە کاتژمێر 10 و لە هەفتەی نۆیەمی
خولی ئیسپانیا، یانەی ریاڵ مەدرید لە یاریگای سانتیاگۆ بێرنابیۆ میوانداری یانەی
ڤیاڕیاڵ دەکات.
ریاڵ مەدرید
ئامانجی سێ خاڵی یاریەکە و گەڕانەوەیە بۆ سەر سکەی بردنەوەکان بەهۆی ئەوەی لە کۆتا
یاریدا کە لە چامپیۆنز لیگ ئەنجامیداوە بە گۆڵێکی بێبەرامبەر بە یانەی لیل دۆڕاوە.
پێش ئەو یاریەش
چەند رووبەڕووبونەوەیەکی تر ئەنجامدەدرێن، سێلتاڤیگۆ و لاس پالماس بەرامبەر یەکتر
یاریدەکەن و خیتافی میوانداری ئۆساسۆنا دەکات.
هەر سبەینێ بەڵام
لە خولی ئینگلتەرا و لە کاتژمێر پێنجدا، یانەی مانچستەر سیتی لە یاریگای ئیتیحاد
رووبەڕووی یانەی فولهام دەبێتەوە و دەیەوێت بگەڕێتەوە سەر سکەی بردنەوەکان لە
پریمەر لیگدا دوای ئەوەی لە دوو یاری رابردوودا بەرامبەر ئارسناڵ و نیوکاسل
یەکسانبووە.
یانەی ئارسناڵیش لە
یاریەکی تردا رووبەڕووی یانەی ساوسامپتۆن دەبێتەوە و ئامانجی ئەوەیە بەردەوامی
بدات لەسەر ئەنجامە نایابەکانی تا زیاتر نزیکبێتەوە لە پێشەنگی ریزبەندی.
خ . ک