PM:01:49:24/09/2024
1572 جار خوێندراوەتەوە
+
-
ریاڵ مەدرید تۆی
گواستەوە لەپێناو ئەوەی بە لێدانی سزا گۆڵ تۆمار بکەیت؟
رۆژنامەکانی
ئیسپانیا هێرشێکی توندیان بۆ سەر کیلیان مباپێ دەستپێکردووە بە شێوەیەک کە بە
یاریزانێکی ئاسایی باسی دەکەن و تەنانەت بووەتە کێشە لە یاریگادا
یەکێک لەو رەخنانەی
لە مباپێ دەگیرێت ئەوەیە کە لەم وەرزەی خولی ئیسپانیا تەنها یەک گۆڵی لە یاری
کراوەدا تۆمارکردووە ئەویش بەهۆی هەڵەی بەرگریکارانی ریاڵ بیتیسەوە بووە
بەڵام سێ گۆڵەکەی
تری بە لێدانی سزا تۆمارکردووە و بەو یاریزانە دەڵێن ئایا ریاڵ مەدرید تەنها لەبەر
ئەوە گرێبەستی لەگەڵ تۆدا کردووە کە بە لێدانی سزا گۆڵ تۆمار بکەیت؟
هێرشکردنە سەر
مباپێ بەردەوامی هەیە بەهۆی ئەوەی لەم وەرزەی لا لیگا تا ئەم ساتە 23 هەلی تۆمار
کردنی گۆڵی لەدەستداوە ئەوەش زۆرترینە لە نێو سەرجەم یاریزانانی خولی ئیسپانیا
ئەگەر باسی
هەڵسەنگاندنی هێرشبەرە فەرەنسیەکە بکەین دوای ئەنجامدانی چوار یاری لە خولی
ئیسپانیا ئەوا نمرەی 6.7ی پێدراوە لە کۆی 10 نمرە کە ئەوەش خراپترین رێژەیە لە نێو
یاریزانانی یانەی شاهانە
ریاڵ مەدرید 150
ملیۆن یۆرۆی وەک پاداشت بە مباپێ داوە بەرامبەر گرێبەست کردن لەگەڵ یانەکەیان، جگە
لەوەش خاوەنی زۆرترین مووچەیە لە خولی ئیسپانیا بەڵام ئێستا ئەوە ئاستی ئەو
یاریزانەیە کە دەبینرێت دوای ئەوەی لە حەوت ساڵی رابردووشدا بەرپرسانی یانە
ئیسپانیەکەی بێزار کردبوو بە بڕیاری چوون بۆ پاریس سان جێرمان و مانەوەی لەو
یانەیە لە ساڵی 2022دا
خ . ک