PM:05:01:24/08/2021
768 جار خوێندراوەتەوە
+
-
میرالیم پیانیچ سێ گرێبەستى لە ئیتاڵیاوە بەدەستگەیشتووە و خۆشى ئارەزوو
دەکاتە بگەڕێتەوە بۆ یانەى یۆڤانتۆس.
ڕاپۆرتە ڕۆژنامەنوسیەکان ئاماژە بەوەدەکەن، میرالیم پیانیچى بۆنسى ئارەزوو
دەکات یانەى بەرشەلۆنە بەجێبهێڵێت و پەیوەندى بە یانەیەکى ترەوە بکات، کە هەلى یاریکردنى
زیاترى هەبێت.
پیانیچ نەیتوانیوە متمانەى ڕۆناڵد کومانى ڕاهێنەرى یانە کەتەلۆنیەکە
بەدەستبهێنێت و دەیەوێت بگەڕێتەوە بۆ یۆڤانتۆس، بەڵام کڕینى مانوێل لۆکاتێللى و نەفرۆشتنى
ئارۆن ڕامزى مامەڵەکەى ئاڵۆزکردووە.
ڕۆژنامەى کۆرێرێ دیللۆ سپۆرتى ئیتاڵى بڵاویکردووەتەوە، یانەکانى ناپۆلى و ڕۆما
و فیۆرینتینا گرێبەستیان پێشکەش بە پیانیچ کردووە و دەیانەوێت بە خواستن
بیگوازنەوە ڕیزەکانیان.
باسى لەوەشکردووە، لوچیانۆ سپالێتى ڕاهێنەرى ناپۆلى پەیوەندى بە پیانیچەوە
کردووە و پرۆژەى یانەکەى بۆ ڕوونکردووەتەوە، کە پێشتریش پێکەوە لە ڕۆمادا کاریانکردووە.
میرالیم پیانیچى 31 ساڵ لە وەرزى ڕابردوو لەگەڵ بەرشەلۆنە بەشدارى 19 یارى لا
لیگا و هەشت یارى چامپیۆنز لیگى کرد، بێ ئەوەى هیچ گۆڵێک تۆماربکات.
گ . ف
