AM:11:15:20/02/2024
1072 جار خوێندراوەتەوە
+
-
مەلەوانێکی ئێرانی بە تەمەنی 100 ساڵی بەشداری لە پاڵەوانێتی ماستەرزی مەلەوانیکرد
کە، لە وڵاتی قەتەڕ و لە شاری دەوحە بەڕێوەچوو، هەر لەو پاڵەوانێتییەشدا خەڵاتی
مێدالیای زێڕینی پێ بەخشرا.
تەقی ئەسغەری، مەلەوانێکی ئێرانیە و لەدایکبووی ساڵی 1923یەو لە دواین
پاڵەوانێتی ماستەرزی دەوحە بەشداریکرد و توانی لەسەر سەکۆیەک خۆی فڕێبداتە ناو
ئاواوە کە بەرزیەکەی 3 مەترە.
ئەسغەری بەم کارەی ئەنجامیدا ژمارەیەکی پێوانیەیی تۆمارکردوو بووە
بەتەمەنترین بەشداربووی پاڵەوانێتییەکە بە درێژای مێژوو، بەو هۆیەشەوە مێدالیای
فەخر و درێسێک کە واژۆی زۆربەی وەرزشکارە بەشدارەکانی لەسەربوو پی بەخشرا.
تەقی ئەسغەری ئێرانی، خۆی یاریزانێکی دێرینی مەلەوانییە و لە یەکەمین
پاڵەوانێتی یارییەکانی ئاسیا لە ساڵی 1951 لە شاری نیودەلهی بەشداری کردووە و
توانیویەتی میدالیای زیو و برۆنز بەدەستبهێنێت.
دەستکەوتی تەقی ئەسغەری نموونەیەکی زیندووە لە ئیرادە و خۆبەخشی بۆ وەرزش بەبێ
گوێدانە تەمەن. ئەو ئیلهامبەخشە بۆ نەوەکانی داهاتوو، ئەوەشمان بیردەخاتەوە کە هیچ سنوورێک بۆ تواناکانمان نییە
و ئیرادەی مرۆڤ کلیلی سەرکەوتنن.