بەڕێوەبەرایەتیی گشتیی هاتووچۆی هەولێر رایگەیاند، هەر ماتۆڕ سوارێک هاوڵاتیان بێزار بکات دەست بەسەر ماتۆڕەکەیدا دەگیرێت و خۆشی دەدرێتە دادگا.
ئەمڕۆ هەینی ١١ـی نیسانـی ٢٠٢٥، بەڕێوەبەرایەتیی گشتیی هاتووچۆی هەولێر رایگەیاند، ، ئەو شۆفێری ماتۆرسکیلانەی سەرپێچی یاساکانی هاتووچۆ دەکەن و دەبنە مەترسی بۆ سەر ژیانی خۆیان و هاوڵاتییان، رووبەرووی رێکاری یاسایی دەبنەوە.
ئاماژەی
بەوەشکرد، لەم حاڵەتانەدا ئەفسەر و کارمەندانی هاتووچۆ سزای سەرپێچیکار دەدەن و
دەستبەسەر ماتۆڕەکەیدا دەگرن:
یەکەم:هەر ماتۆرسوارێک لەسەر شەقامەکان نمایش و سەرکێشی مەترسیدار
ئەنجامبدات، دەستبەسەر ماتۆرەکەیدا دەگیرێت.
دووەم:هەرماتۆرسوارێک لە ترافیک لایەتەکاندا نەوەستێت و بەخێرایی بە
لەکامێراکانی تیژرەویدا تێپەڕببێت سزای دارایی دەدرێت، هەروەها ئەگەر ماتۆڕەکەی
تۆمارنەکراوبێت و هەڵگری لۆگۆی کۆمپانیاکانی گەیاندن بێت، ئەوا مانگانە لیستی
سزاکان بۆ کۆمپانیاکە رەوانە دەکرێت.
سێێەم:هەر ماتۆڕسوارێک کەرەستەکانی خۆپارێزی وەک: کڵاوی سەر، ئەژنۆ پارێز و
مەچەک پارێز، لەکاتی لێخوڕیندا بەکار نەهێنێت، سزای دارایی دەدرێت.
چوارەم:هەر ماتۆڕسوارێک دەنگی ئەگزۆزی ماتۆڕەکەی بەرزبکاتەوە و هاوڵاتیان بەو
دەنگە بەرزە بێزار بکات، دەست بەسەر ماتۆڕەکەیدا دەگیرێت و خۆشی دەدرێتە دادگا.