PM:07:45:07/04/2025
828 جار خوێندراوەتەوە
سەرۆک وەزیرانی عێراق رایگەیاند، پاراستنی کۆمەڵگا و بەتایبەت گەنجان لە بەڵای ماددە هۆشبەرەکان لە پێشینەی کارەکانی حکومەتە و ئاماژەی بە گرنگی وەرگرتنی رێبازە زانستییە سەرکەوتووەکانی خۆپارێزی و چارەسەری کرد.
ئەمڕۆ دووشەممە ٧ـی نیسانـی ٢٠٢٥، محەمەد شیاع سودانی، سەرۆک وەزیرانی عێراق، پێشوازی لە بەڕێوەبەری جێبەجێکاری پەیمانگای نێودەوڵەتی خێزانی دۆحە، شەریفە نعمان عیمادی، ئەندامی دامەزراوەی قەتەر و شاندی یاوەری کرد و وتیشی، پاراستنی کۆمەڵگا، بەتایبەتی گەنجان، لە بەڵای ماددە هۆشبەرەکان یەکێکە لە ئەولەویەتەکانی حکومەت.
ئەوەشی خستەڕوو، پاراستنی کۆمەڵگا، بەتایبەتی گەنجان، لە
بەڵای ماددە هۆشبەرەکان یەکێکە لە ئەولەویەتەکانی حکومەت و ئاماژەی بە پێویستی گرتنەبەری
رێبازە سەرکەوتووەکانی خۆپارێزی و چارەسەری زانستی کرد.
هاوکات، ئەندامی دامەزراوەی قەتەر، پێداچوونەوەی بە بەرنامە
کۆمەڵایەتی و پەروەردەیی و دەروونییەکانی پەیوەست بە رەفتار و شێوازەکانی پاراستنی
سەقامگیری خێزان و لایەنەکانی بەرەنگاربوونەوەی ئالوودەبوون کرد کە لە قوتابخانەکانی
قەتەردا جێبەجێ دەکرێن.
هەروەها، خواستی خۆی بۆ هاوکاری لەگەڵ دامەزراوەکانی پەیوەندیدار
بەم بوارەوە لە عێراق دەربڕی.
