ئاماژە بەوەش کراوە، داهاتی نانەوتی عێراق لەمانگی ئازاردا بەراورد بە مانگی شوبات بەرێژەی ١٠٠٪ گەشەی بەخۆیەوە بینیوە و تێکڕای داهاتی نانەوتیش ١١٪ـی داهاتی چارەکی یەکەمی ئەمساڵ بووە کە بەرامبەر بووە بە سێ ترلیۆن و٥٣٣ ملیار و ٩٣٢ ملیۆن و ٤٠ هەزار دینار.

ئەوەش خراوەتە روو، خەرجی عێراق بۆ سەرجەم کەرتەکان زیاتر بووە لە ٢٥ ترلیۆن و ٧٧ ملیار دینار کە تێکڕای ٨١٪ـی داهاتی سێ مانگی سەرەتای ئەمساڵ دەکات، جیاوازی داهات و خەرجی کە بە سەرڕێژی داهات دادەندرێت، شەش ترلیۆن و ١٤٥ ملیار و ٧١٠ ملیۆن و ٦٨٠ هەزار دینارە.

داهات و خەرجی عێراق لە مانگی یەکدا؛

تێکڕای داهاتی عێراق لە کانوونی دووەمی ئەمساڵدا زیاتر لە ١١ ترلیۆن و ٥٤٢ ملیار بووە و لەو ریژەیەش ٨٩٪ـی داهاتی نەوتی بووە و ١١٪ـی داهاتی نانەوتی بووە، تێکڕای خەرجی عێراق لەو مانگەدا هەشت ترلیۆن و ٧٩١ ملیار دینار بووە و بڕی ٢٣٪ـی داهاتی عێراق سەرڕێژ بووە.

داهات و خەرجی عێراق لە مانگی دوودا:

مانگی شوبات بە مانگی گەشەی ئابووری نەوت ناسراوە، لەو مانگەشدا تێکڕای داهات گەیشتووەتە هەشت ترلیۆن و ٩٢٣ ملیار، لەو رێژەیەش داهاتی نەوتی ٩١٪بووە و داهاتی نانەوتیش ٩٪ بووە.

خەرجی عێراق لە مانگی شوباتدا حەوت ترلیۆن و ٧٧٩ ملیار دینار بووە و جیاوازی نێوان داهات و خەرجی مانگی شوبات یەک ترلیۆن و ١٥٢ ملیار دینار بووە کە بە تێکڕا ١٢.٩٪ سەرڕێژبوونی داهاتی هەبووە لەو مانگەدا.

داهات و خەرجی عێراق لە مانگی سێدا؛

مانگی ئازار وەک کۆتا مانگی چارەکی یەکەمی ئەمساڵی عێراق تێکڕای داهاتی نەوتی و نانەوتی زیاتر بووە لە ١٠ ترلیۆن و ٧٥٧ ملیار دینار کە بەبەرزترین ئاستی داهاتی مانگانە داندراوە لە چارەکی یەکەمدا و تیکڕای خەرجی زیاتر بووە لە هەشت ترلیۆن و ٥١٤ ملیار دینار.

سەر رێژبوونی داهاتی مانگی ئازار بەراورد بە مانگی شوبات بەرێژەی ٨٪ زیادی کردووە و بەتێکڕاش دوو ترلیۆن و ٢٤٢ ملیار و ٧٨٢ ملیۆن دیناربووە کە بەرامبەرە بە سەرڕێژبوونی ٢٠.٨٪ـی داهات و خەرجی.

سەررێژبوونی داهاتی عێراق لە سێ مانگی سەرەتادا؛

سیستمی دارایی عێراق ساڵانە پاڵپشتی سەرڕێژبوونی داهاتی نەوتی و نانەوتی دەکات بەمەبەستی کەمکردنەوەی کورتهێنانی بودجەی ساڵانە بە گوێرەی بودجەی سێ سآڵەی عێراق ٢٠٢٣-٢٠٢٤-٢٠٢٥.

هاوکات بە تێکڕا زیاتر لە شەش ترلیۆن ١٤٥ ملیار و ٧١٠ ملیۆن دینار سەرڕێژبوونی داهاتی هەبووە بەهۆی جیاوازی لە بەرزبوونەوەی داهات بەراورد بە تێکڕای خەرجییەکان.