لەلایەکی دیکەوە، یەحیا رەسوڵ وتەبێژی هێزە چەکدارەکانی عێراق ئاماژەی بەوە کرد، شاندەکەی عێراق گرێبەستێکى ٥٠٠ ملیۆن دۆلارى لەگەڵ وەزارەتى بەرگریى ئەمریکا واژو کردووە بۆ پەرەپێدانى هێزە سەربازى و ئەمنییەکانى عێراق.

بەشێک لەو گرێبەستانە بریتیبوون لە:

١.یاداشتی لێکتێگەیشتن لەنێوان وەزارەتی کارەبای عێراق و کۆمپانیای جەنەڕاڵ ئیلیکتریک، لە بواری پەرەپێدانی کەرتی وزە.

٢.یاداشتی لێکتێگەیشتن لەنێوان وەزارەتی نەوتی عێراق و کۆمپانیای هانوێل، بۆ گرێبەستی هاوبەش لەبواری پەرەپێدانی هێڵی ستراتیجی گواستنەوە تایبەت بە کێڵگە نەوتیی و غازییەکان.

٣.یاداشتی لێکتێگەیشتن لەنێوان وەزارەتی نەوت و کۆمپانیای جەنەڕاڵ ئیلیکتریک، لە بواری گەشەپێدانی کێڵگە نەوتیی و گازییەکان.

٤.یاداشتی لێکتێگەیشتن لەنێوان سندوقی عێراق بۆ گەشەپێدان و کۆمپانیای ماک MACKی ئەمریکی بۆ بزوێنەر و ئامێرەکان، لە بواری دروستکردنی بزوێنەری تایبەتمەند.

٥.یاداشتی لێکتێگەیشتن لەگەڵ کۆمپانیای KBRی ئەمریکی بۆ پەرەدان بە کێڵگە نەوتییەکان.

٦.یاداشتی لێکتێگەیشتن لەگەڵ کۆمپانیای KBRی ئەمریکی بۆ پرۆسێسکردنی غازی سەرەتایی و گۆڕینی بۆ غازی شڵ و پەیوەندیدار.

٧. یاداشتی لێکتێگەیشتن لەنێوان بانکی عێراقی نیشتیمانی NBI و دامەزراوەی گەشەپێدانی دارایی نێودەوڵەتی ئەمریکی.

٨.رێککەوتن لەگەڵ کۆمپانیای ترانس ئەتلانتیک پێترۆلیۆم لە بواری گەشەپێدان و بەڕێوەبردنی کێڵگەی نەوتی.

٩.یاداشتی لێکتێگەیشتن لەگەڵ کۆمپانیای هانویلی ئەمریکی لە بواری پەرەپێدانی کێڵگەی غاز و رێگەگرتن لە بەهەردەردانی غاز.

١٠.یاداشتی لێکتێگەیشتن لەگەڵ کۆمپانیای هانویلی ئەمریکی بۆ پەرەپێدان و خزمەتگوزاری کۆنتڕۆڵی بارودۆخ لە دوورەوە.

١١.یاداشتی لێکتێگەیشتن لەگەڵ کۆمپانیای بیکر هیوزی ئەمریکی لە بواری بەکارهێنانی چارەسەری زیرەک، بۆ وەستاندنی بارودۆخی گڕگرتنی غاز و پەرەپێدانی کێڵگەی نەوتی و چاککردنەوە و پاراستنی.

١٢.یاداشتی لیکتێگەیشتن لەگەڵ کۆمپانیای ئیمیرسۆن لە بواری تەکنەلۆجیا و بە ئۆتۆماتیکی کردن لە کێڵگە نەوتییەکاندا.

١٣.یاداشتی لیکتێگەیشتن لەگەڵ کۆمپانیای GE لە بواری دابینکردنی چارەسەری و پاراستنی نەوتیی.

١٤.یاداشتی لیکتێگەیشتن لەگەڵ کۆمپانیای "ئارک" بۆ وزە، لە بواری بەرهەمهێنانی غاز و بابەتە پەیوەندیدارەکانی.

١٥.یاداشتی لیکتێگەیشتن لەگەڵ کۆمپانیای ئیمیرسۆن لەبواری پەرەپێدانی وزە و دابینکردنی ئامێرەکان.

١٦.یاداشتی لیکتێگەیشتن لەگەڵ کۆمپانیای GE لە بواری دابینکردنی ئامێرەکان بۆ پرۆسەی بەکارهێنانی غاز لە بەرهەمهێنانی وزەی کارەباییدا.

١٧.رێککەوتن لەگەڵ کۆمپانیای هانویل لە بواری پەرەپێدان بە کێڵگە نەوتییەکان و چارەسەری وەستاندنی گڕگرتنی غاز لە کێڵگەکاندا

١٨. رێککەوتن لەگەڵ بانکی جی پی مۆرگانی ئەمریکی، تایبەت بە پاڵپشتی عێراق بۆ گەشەپێدانی بانکە حکومی و تایبەتەکان و پێشکەشکردنی شارەزایی و راهێنانی بانکی بە عێراق.

١٩.یاداشتی لێکتێگەیشتن لەگەڵ کۆمپانیای باکستەری نێودەوڵەتی بۆ هەماهەنگیکردن لە بواری تەندروستی و شووشتنی گورچیلە.

ئەوەش لە کاتێکدایە، رۆژی یەکشەممە، ١٤ـی ئەم مانگە، شاندى عێراق بە سەرۆکایەتی محەمەد شیاع سودانی گەیشتە ئەمریکا و لەگەڵ هەریەکە لە سەرۆکی ئەمریکا و وەزیرانی بەرگری و دەرەوەی ئەو وڵاتە و چەندین بەرپرسی دیکەی واشنتۆن کۆبوونەوە و پرسی ئابوری و وەزەی عێراق یەکێک بوو لە تەوەرە سەرەکییەکان لەگەڵ بابەتى دۆلار و لابردنى سزای سەر بانکە عێراقییەکان و ئەرکی هاوپەیمانان لە عێراق.