PM:08:29:05/04/2024
44812 جار خوێندراوەتەوە
شارەزایەکی کەشناسی رایگەیاند، لە سبەینێوە پلەکانی گەرما دادەبەزن و بارانبارین روو ناوچەکانی دهۆک و هەولێر و چەند ناوچەیەکی عێراق دەکات. دەشڵێت، " لە رۆژی یەکشەممەدا ئەگەری بارانبارینی بەخووڕ هەیە لە ناوچەکانی هەرێمی کوردستان".
ئەمڕۆ هەینی، سادق عەتیە شارەزای کەشناسی عێراق رایگەیاند، سبەی شەممە بارستە هەوایەکی سارد روو لە ناوچەکانی عێراق دەکات و پلەکانی گەرما دادەبەزن و ئاسمانی ناوچەکانی هەرێمی کوردستان هەندێ کات نیمچەهەور دەبن و دواتر دەگۆڕێن بۆ هەوری تەواو.
ئاماژەی
بەوەش کرد، لە سبەینێوە بارانبارین ناوچەکانی دهۆک و هەولێر و کەرکوک و سەڵاحەدین
و ئەنبار دەگرێتەوە.
ئەوەشی
خستە روو، رۆژی یەکشەممە پلەکانی گەرما زیاتر دادەبەزن و بارانبارین هەموو ناوچەکانی
عێراق دەگرێتەوە و لە ناوچەکانی هەرێمی کوردستان ئەگەری بارانبارینی بەخووڕ هەیە.
هاوکات، کەشناسی
هەرێم رایگەیاند، کەشی پێشبینی کراوی سبەی شەممە بە گشتی ئاسمان لە نێوان پەڵەهەور
و نیمچە هەوردا دەبێت. وتیشی، "پلەکانی گەرما بەراورد بە تۆمارکراوەکانی رۆژی
هەینی روو لە دابەزین دەکەن".
