سەرۆکی یەکێتی پێشتر ستایشی پارتی و مەسعود بارزانی دەکرد ئێستاش خۆی ناکۆک نیشان دەدات، لە کاتێکدا لە چوار ساڵی رابردوو، بافڵ تاڵەبانی پشتگیریی حکومەتەکەی مەسرور بارزانی کردووە.
لە رابردوودا بافڵ تاڵەبانی ستایشی پارتی و مەسعود بارزانی و مەسرور بارزانی و کابینەی حکومەتەکەی دەکرد، کەچی ئێستا خۆیان وا نیشان دەدەن کە گرفت وناکۆکیان هەیە.
هاوکات، سەرۆکی
یەکێتی بەردەوام لە کۆنگرە رۆژنامەوانی و دەرکەوتنەکانیدا ستایشی سەرۆکی پارتی و
کابینەکەی مەسرور بارزانی کرد بەدرێژایی چوار ساڵی رابردوو، بەڵام لەگەڵ نزیکبونەوەی
هەڵبژاردن، بەجۆرێکی تر قسە دەکەن و لە میدیاکانیانەوە دەڵین کێشەیان لەگەڵ پارتی
هەیە.
بەدرێژایی چوار
ساڵی رابردوو، بافڵ تاڵەبانی وەک سەرۆکی یەکێتی لە هەموو بڕیارەکاندا هاوبەشی پارتی
بوو و پشتگیری حکومەتەکەی مەسرور بارزانی کرد.
پشتگیرییەکەی
بافل تاڵەبانی و یەکێتی بۆ کابینەکەی مەسرور بارزانی لەکاتێکدایە، جگە لە بڕینی مووچەی خەڵک و پاشەکەوتکردنی لە
حکومەت، باجیان چەندین هێندە لەسەر شانی هاوڵاتیان وکاسبکاران زیاد کرد و خزمەتگوزارییەکانی
ئاو و کارەبایان لە خەڵک بڕی و خۆپیشاندەر و چالاکانیان کوشت و خستنیاننە زیندانەوە،
نەک هەر ئەوەش، ئێستاش یەکێتی بە رێککەوتن لەگەڵ مەسرور بارزانی، فەرمانبەرانی
سنوری سلێمانی ناچار کردووە هەژماری من پڕبکەنەوە بەرامبەر دەستکەوتی مادی بۆ حزبەکەی
لەو پڕۆژەیە.