بەپێی پێشبینییەکانی کەشناسی، ئەمڕۆ لە ناوجە شاخاوییەکاندا نمەباران دەبێت و ئەگەری هەیە کەمێک تاوەباران بێت، دەشڵێت، سبەی هەینی پلەکانی گەرما بەشێوەیەکی بەرچاو نزمدەبنەوە و لێزمەباران و هەورەبروسکە دەبێت و لە ناوچە شاخاوییەکان بەفر دەبارێت.
بەڕێوەبەرایەتی گشتی کەشناسی و بومەلەرزەزانی هەرێم رایگەیاند، ئەمڕۆ پێنجشەممە، لە ناوچە شاخاوییەکان نمەباران دەبارێت و لەکاتەکانی ئێوارەدا بۆ ماوەیەکی کەم ئەگەری گۆڕینی کەشەکە بۆ تاوەباران و هەورەبروسکە هەیە، بەتایبەت لە شارەکانی هەولێر و دهوک و دەوروبەری.
ئاماژە بەوەش
کراوە، سبەینێ هەینی، بەگشتی ئاسمان هەورى تەواو دەبێت و لەکاتەکانی بەرەبەیان
دابارین بەشێوەی نمەباران دەستپێدەکات سەرەتا لە ناوچەکانی رۆژئاوای هەرێم پاشان
کاریگەری درێژ دەبێتەوە بۆ تەواوی ناوچەکان و بەفرێکی کەم لە ناوچە شاخاوییە سنوورییەکاندا
دەبارێت.
باس لەوەش کراوە،
لە کاتەکانی دوای نیوەڕۆوە شێوەی دابارینەکە بۆ لێزمەباران لەگەڵ هەورەبروسکە دەگۆڕێت،
بەتایبەت لە سەنتەری شاری هەولێر و لە ناوچەکانی گەرمیان.
دەشڵێت، "پلەکانی
گەرما بەراورد بە تۆمارەکانی ئەمڕۆ ٣ بۆ ٤ پلە نزمدەبنەوە ".
بەرزترین پلەکانی
گەرمای پێشبینیکراو بە پلەی سیلیزی
هەولێر : ١٣
سلێمانی :١١
دهۆک : ١٠
زاخۆ: ١١
هەڵەبجە : ١٤
کەرکوک : ١٥
سۆران : ٨
گەرمیان : ١٦
حاجی ئۆمەران :
٢