لە زۆرینەى شار و شارۆچکەکان، هاوڵاتیان بەشدارى ئاهەنگى نەورۆزیان کرد و تێیدا بەخێرهاتنیان لە یەکەم رۆژی ساڵی ٢٧٢٤ـی کوردی کرد.
ئێوارەی ئەمڕۆ چوارشەممە، ٢٠ـی ئادار هاوڵاتیان لە شار و شارۆچکە جیاوازەکانی هەرێمی کوردستان بە جلوبەرگی رەسەنی کوردییەوە پۆل پۆل کۆبوونەوە بۆ یادکردنەوەی نەورۆز و سەری ساڵی کوردی.
وەک هێمایەک بۆ رۆژێکی نوێ لەم رۆژەدا، لە ناوچە جیاوازەکانی هەرێم
گڵکۆکانیان داگیرساندا و ئاگری نەورۆزیان پێ کردەوە.
هەرچەندە ئاهەنگەکانی ئەمساڵ بەراورد بە ساڵانی ڕابردوو، لە مانگی ڕەمەزانی
پیرۆز و کەشێکی باراناویدا بەڕێوەچوو، بەڵام هاوڵآتییان بە جلوبەرگی کوردییەوە پێشوازییان
لێکرد، بیانییەکانیش هاوشێوەی کورد جلوبەرگی کوردیان پۆشی و بەشدارى ئاهەنگەکانیان
کرد.
لە ئاکرێ بە بەرزکردنەوەى گەورەترین ئاڵاو بردنی هەزاران مەشخەڵی ئاگرین بۆ سەر لوتکەی چیای کەلێ
پێشوازی لە ساڵی نوێ کرا، لە سلێمانیش لە گردی مامە یارە و چاڤی لاند، لەسەر قەڵای
هەولێر و قەڵای کەرکوکیش، یادی نەورۆز کرایەوە و ئاگر کرایەوە.
نەورۆز جەژنێکی نەتەوەی کوردیە ، نەورۆزی ئەمساڵ هاوكاتە لەگەڵ هاتنی ساڵی
٢٧٢٤ـی کوردی کە دەکاتە یەکەم رۆژی وەرزی بەهار، کورد بەدرێژای مێژوو لەسەرجەم
بارودۆخە جیاوازەکاندا ئاگری نەورۆزى کردووەتەوە و هیچ شتێک نەبووەتە رێگر لەبەردەم
بەرز راگرتنی ئەو یادەدا.