کەشناسیی هەرێم بڵاوی کردەوە، ئەمڕۆ شەستەباران و تەرزە دەبارێت و لە دهۆک و ناوچە شاخاوییەکان بڕی بارانبارین زیاتر دەبێت، لە هەندێک ناوچەش بەفر دەبارێت.
ئەمڕۆ چوارشەممە، بەڕێوەبەرایەتیی گشتیی کەشناسی و بومەلەرزەزانی هەرێم راگەیەنراوێکی بڵاو کردەوە و تێیدا هاتووە، ئەمڕۆ ئاسمان بەردەوام هەور دەبێت و لە ناوچە شاخاوییەکان و سنووری پارێزگاکان نمەباران و شەستەباران دەبارێت.
ئاماژە بەوەش کراوە، لە دهۆک
و ناوچە شاخاوییەکان بڕی بارانبارین زیاتر دەبێت و هەندێ کات لەکاتى باران هەورەتریشقە
و تەزرەبارین دەبێت، هەروەها لە ناوچە سنوورییە بەرزەکان ئەگەری بەفربارین هەیە.
ئەوەش خراوەتە روو، سبەی پێنجشەممە
لە دهۆک و ناوچە شاخاوییەکانی ئەو سنوورە باران بەشێوەی مامناوەند دەبارێت و ناوچەکانی
دیکەش بەگشتی ئەگەرى نمە بارانى کورت خایەن هەیە.
بەرزترین پلەکانی گەرمای پێشبینیکراو
بە پلەی سیلیزی:
هەولێر :١٦
سلێمانی :١٥
دهۆک :١٣
زاخۆ :
١٤
هەڵەبجە : ١٦
کەرکوک : ١٨
سۆران : ١٢
حاجی ئۆمەران :٦
گەرمیان : ٢٠