پەیامنێری ئێن ئاڕ تی باسی لەوەکرد، لە دوو رووداوی هاتوچۆی جیادا لە نزیک سەیدسادق چوار کەس بریندار بوون و برینی دووانیان سەختە.
پەیامنێری ئێن ئاڕ تی ئەوەی خستەڕوو، یەکێک لە رووداوەکان لە گوندی چەناخچیانی نێوان سەیدسادق و عەربەتدا بووە، کە ئۆتۆمبێلێک وەرگەڕاوە و بەهۆیەوە شۆفێرەکەی بریندار بووە و رەوانەی نەخۆشخانەکانی سلێمانی کراوە.
ئاماژەی
بەوەشکردووە، رووداوی دووەم لە نزیک پردی ناوگردانی سەیدسادق بووە و بەهۆیەوە سێ
کەس بریندار بوون.
دەشڵێت، رووداوەکە
لە جۆری پێکدادان بووە لەنێوان دوو ئۆتۆمبێلدا و لەو سێ کەسەی برینداربوون، برینی
یەکێکیان سەختە و رەوانەی نەخۆشخانەکانی سلێمانی کراوە.
ئەوەش لە
کاتێکدایە، دوێنێ شەممە، بەڕێوەبەرایەتی هاتوچۆی گەرمیان رایگەیاند، لە رووداوێکی
هاتوچۆدا لە نزیک گوندی کانی ماران لە سنووری کفری، ئۆتۆمبێلێکی جۆری نیسان پیکاب
وەرگەڕا و لەئەنجامدا شۆفێری ئۆتۆمبێلەکە گیانی لەدەستدا.
نزار کەریم، هەڵەبجە