AM:11:17:07/02/2024
2180 جار خوێندراوەتەوە
پەیامنێری ئێن ئاڕ تی باسی لەوە کرد، لە چەند ناوچەیەکی جیاوازی هەرێم خۆپیشاندانی فەرمانبەران و مامۆستایان و وانەبێژان دژی دواکەوتنی مووچەکانیان و پلەبەرزکردنەوە و بە هەمیشەییکردنیان بەردەوامە.
ئەمڕۆ چوارشەممە، پەیامنێری ئێن ئاڕ تی رایگەیاند، جارێکی دیکە لە ئیدارەی گەرمیان گەرمیان فەرمانبەران و مامۆستایان و وانەبێژان دەستیانکردەوە بە خۆپیشاندان و لەبەرامبەر باڵەخانەی پەروەردەی گەرمیان گردبوونەتەوە.
هاوکات بەشێکیشیان دەڵێن، "هەڕەشەکانی وەزارەتی پەردوەردەی
حکومەتی کاربەڕێکەر بۆ دەستپێکردنەوەی دەوامکردن رامانناگرێت لە بەردەوامیدان بە خۆپیشاندان
و داواکردنی مافەکانمان و تا کاتی وەرگرتنەوە مافەکانمان بەردەوامدەبین".
ئەمەش لە کاتێکدایە، زیاتر لە ٥٣ رۆژە مووچەخۆرانی هەرێم
مووچەیان وەرنەگرتووە و چارەنوسی مووچەی سێ مانگی ساڵی رابردووشیان دیار نییە، بەو
هۆیەشەوە، مامۆستایان لە سنوری سلێمانی و هەڵەبجە و راپەڕین و گەرمیان و کۆیە ماوەی
نزیکی پێنج مانگە ناچنەوە هۆڵەکانی خوێندن و باس لەوەدەکەن، "١٠ ساڵە قوربانی
بە ماندوویەتی و گیرفانی خۆیان دەدەن و چیتر ناتوانن لەو دۆخەدا وانە بڵێنەوە."
