PM:12:08:21/11/2025
88 جار خوێندراوەتەوە
+
-
کاپیلۆ دوپاتیکردەوە هەڵبژاردەی نەرویج
کوالێتییەکەی زۆر باشیان هەیە و ئیتاڵیاش کێشەی هەیە.
فابیۆ کاپیلۆی ئیتاڵی و راهێنەری پێشووی تۆپی پێ لە
لێدوانێکیدا بۆ ڕۆژنامەی لاگازێتا دیلۆ سپۆرت باسی لە باروودۆخی هەڵبژاردەی
ئیتاڵیا کرد و تێیدا وتی: گاتۆزۆ دوای دوو یاری یەکەمی کۆمەڵەکان پۆستەکەی وەرگرت،
چەند یارییەکی باشی بردەوە و توانی کەمێک مۆڕاڵ بە تیپەکە ببەخشێت، بەڵام بەرامبەر
نەرویج تۆپی پێیەکی گەورە و خاوەن کەسایەتیمان نەبینی.
کاپیلۆ ستایشی نەرویجییەکانی کرد و بە
هەڵبژاردەیەکی زۆر باش وەسفی کردن، لەو بارەیەشەوە وتی: من ناڵێم هەڵبژاردەی
نەرویج دەتوانن مۆندیال بەدەست بهێنن، بەڵام کوالیتییەکی زۆر باشیان هەیە، چ لە
ڕووی تیپ و چ لە ڕووی بەهرەمەندەوە، ئەوان
دیاردەیەکیان هەیە کە ئەویش ئێرلینگ هالاندە، ئەمەش جیجی ڕیڤام بیردەخاتەوە کە
هەڵبژاردەی ئیتاڵیا هەیبوو.
جەختی لەسەر ئەوەشکردەوە، ئیتاڵییەکان لە کۆتا
یارییاندا بەبێ فشار یارییانکردووە و نەیانتوانیووە فشارێکی زۆر بەخەنە سەر تیپی بەرامبەر ئەوەش واتای ئەوەیە تیپی
بەرامبەر هەستیان بە هێزی یاریزانانی گاتوزۆ نەکردووە.