AM:08:54:11/10/2025
112 جار خوێندراوەتەوە
+
-
لە یارییەکی دۆستانەدا ئەرجەنتین بە
گۆڵێکی بێبەرامبەر لە ڤەنزوێلای بردەوە و ئەمریکا و ئیکوادۆر یەکسانبوون.
لە درێژەی یاریی دۆستانەی پشووە
نێودەوڵەتیییەکاندا، هەڵبژاردەی ئەرجەنتین بە بێ بەشداریکردنی لیۆنێل مێسی
بەرامبەر ڤەنزوێلا یارییکرد.
لە تایمی یەکەمدا، هەڵبژاردەی ئەرجەنتین
باشتر بینران و لە خولەکی 31 گۆڵێکیان لە رێگەی جیۆڤانی لو سێلسۆوە تۆمارکرد.
لە تایمی دووەمدا، یاریزانانی هەردوولا
چەند هێرشێکیان کردە سەر گۆڵی یەکتر بەڵام سەرجەمیان بێسوود بوون و سەرەنجام
یارییەکە بە گۆڵێکی بێبەرامبەر لە سوودی تانگۆ کۆتاییهات.
بڕیارە هەڵبژاردەی ئەرجەنتین لە دووەم
یاریی دۆستانەدا و لە سێشەممەی داهاتوودا رووبەڕووی هەڵبژاردەی پۆرتۆریکۆ ببێتەوە.
لە یارییەکانی تریشدا، هەردوو هەڵبژاردەی
ئەمریکا و ئیکوادۆر رووبەڕووی یەکبونەوە و بە گۆڵێک یەکسانبوون، ئوستراڵیاش
بردنەوەی بەسەر کەنەدا بەدەستهێنا.
خ . ک