PM:01:58:22/02/2025
96 جار خوێندراوەتەوە
+
-
بایرن و نیوکاسل و سعودییەکان گرنگی بە گواستنەوەی هاکان دەدەن و دەیانەوێت
پەلکێشی بکەن.
هاکان چالهانۆگلوی تورکی و ئەستێرەی ئینتەر میلان لەو کاتەوەی پەیوەندی بە
یانە ئیتاڵیەکەوە کردووە بە باشترین ئاستیەوە دەرکەوتووە و یەکێکە لە پێگە
سەرەکییەکانی ئەو یانەیە.
رۆژنامەی لاگازێتا دیللۆ سپۆرت ئاشكرایکردووە، یانەکانی بایرنی میونشنی
ئەڵمانی و نیوکاسل یونایتدی ئینگلیزی و یانە سعودییەکانیش چاودێری یاریزانە
تورکییەکە دەکەن.
لاگازێتا دوپاتیکردووەتەوە، بەرپرسانی یانەی نیوکاسل یونایتد گفتوگۆیان
لەگەڵ بەڕێوەبەری کارەکانی ئەو یاریزانە کردووە و بایرن میونشنیش لە نزیکەوە
چاودێریان کردووە.
جگە لەوەش سندوقی وەبەرهێنانی سعودی دەیانەوێت هاکان بۆ وەرزی داهاتوو
بگوازنەوە یەکێک لە یانە بەهێزەکانی وڵاتەکەیان و مووچەیەکی ساڵانەی زۆریشیان بۆ
دابینکردووە.
لاگازێتا دڵنیاییداوە لەوەی کە گواستنەوەی هاکان چالهانۆگلو کارێکی زۆر
ئەستەمە چونکە ئینتەر نیازی فرۆشتنی نییە و سیمیۆنی ئینزاگیش بە پێگەی سەرەکی هێڵی
ناوەڕاستی یانەکەی دادەنێت.
خ . ک