AM:11:14:04/10/2021
1124 جار خوێندراوەتەوە
+
-
ڕۆدیگێری یاریزانی
چێڵسی هەنگاوێک لە ڕیاڵ مەدریدەوە دوورە و لە گواستنەوى زستانەدا دەچێتە بێرنابیۆ.
ڕۆدیگێری
بەرگریکاری یانەى چێڵسی ئینگلیزی بووەتە جێی سەرنجی بەرپرسانی یانەى ڕیاڵ مەدرید و
بۆ بەهێزکردنی هێڵی بەرگری یانەکە لە دوای ڕۆیشتنی ڕامۆش و ڤاران گرنگی تەواوی
پێدەرێت و لە گواستنەوەى زستانەدا بە گرێبەستێک بەرەو سانتیاگۆ بێرنابیۆ دەیگوازنەوە.
لەو بارەیەوە
رادیۆی ئۆندا سێری ئیسپانی ئاشکرایکرد، ڕۆدیگێر ئامادە نیە گرێبەستەکەى لەگەڵ
چێڵسیدا درێژبکاتەوە کە لە هاوینی 2022 کۆتایی دێت و داوای کردووە 12 ملیۆن یۆرۆی
وەک مووچەى ساڵانەى پێبدرێت و ئەو داوایەش لە لایەن بەرپرسانی چێڵسی ڕەتکراوەتەوە.
ڕادیۆ ئیسپانیەکە
پشت بەستن بە سەرچاوەکانی دووپاتیکردەوە، نزیکبونەوەى تەواو لەنێوان بەرگریکارە
ئەڵمانیەکە و یانەى ڕیاڵ مەدرید هەیە و لە مێرکاتۆی زستانەدا گرێبەستێک پێشکەش بە
یانە لەندەنیەکە دەکرێت و یانەى بەرامبەریش پاش نائومید بوون لە درێژکردنەوەى
گرێبەستەکەى و بۆ دەستکەوتنی بڕێک پارە ئامادەیە دەستبەرداری ببێت.