AM:09:56:18/06/2025
220 جار خوێندراوەتەوە
+
-
رامۆس بەباشترین یاریزانی یاری ئینتەر و
مۆنتێری دیاریکرا و دوپاتیشیکردەوە پێکهاتەیەکی تۆکمەیان هەیە.
پاش یەکسانبوونیان لەگەڵ ئینتەر میلان لە
مۆندیالی یانەکان و تۆمارکردنی گۆڵێک و پاشان وەرگرتنی خەڵاتی باشترین یاریزانی
یارییەکە، سێرجیۆ رامۆسی کاپتنی یانەی مۆنتێری مەکسیکی رایگەیاند، یاریمەتیدانی
تیپەکەی لەسەر ئاستی تاکەکەسی بۆ ئەو جێی دڵخۆشییە بەڵام خەڵاتی تاکەکەسی لەلای ئەو
گرنگ نییە.
وتیشی: گۆڵەکەی ئێمە لە جوڵەیەکی مەشقکراوەوە بوو، پێویستم بە پاسێک بوو لە هاوڕێی
تیپەکەمەوە بۆ تەواوکردنی کارەکە و وەک بینیشتان بە باشی دەرچوو، هیوادارم ئەمە
دوا گۆڵم نەبێت لەم پاڵەوانێتییەدا.
باسی لەوەشکرد، لە تایمی یەکەم ئینتەر باشتر بووە بەڵام لە تایمی دووەم
تیپەکەی ئەوان ئاستێکی باشیان پێشکەش کردووە و سەلماندوویانە خاوەن پێکهاتەیەکی
تۆکمەن.
وتیشی: زۆر شتمان بە درووستی ئەنجامدا و زۆر هەڵەشمان کرد، دەبێت هەڵەکانمان
شی بکەینەوە و باشتری بکەین، چونکە یارییەکی بەهێز بەرامبەر ریڤەر پلەیت
چاوەڕێمانە.