PM:08:34:02/04/2025
192 جار خوێندراوەتەوە
+
-
دی زێربی رەتی کردووەتەوە ئەرکی راهێنەرایەتی میلان
وەربگرێت و یانەکەش هەوڵی رازی کردنی کۆنتی دەدەن.
بەرپرسانی یانەی ئەیسی میلان دەیانەوێت هاوینی داهاتوو
راهێنەرێکی باش بۆ یانەکان بگوازنەوە و بتوانێت میلانی سەردەمی زێڕین بگەڕێنێتەوە.
فتبۆڵ ئینسایدەر بڵاویکردووەتەوە رۆسۆنێری پەیوەندیان بە
دی زێربیوە کردووە بۆ ئەوەی سەرپەرشتی یانەکان بگرێتە ئەستۆ بەڵام راستەوخۆ ئەو
راهێنەرە میلانی رەتکردووەتەوە.
سەرچاوەکە بڵاویکردووەتەوە ئەیسی میلان لە ئێستادا
ئەنتۆنیۆ کۆنتی بە بژاردەیەکی گونجاو دادەنێن و پێیان وایە کۆنتی دەتوانێت
بناغەیەکی باش بۆ یانەکەیان دروست بکات.
رازی کردنی ئەنتۆنیۆ کۆنتی ئاسان نابێت چونکە لەگەڵ
ناپۆلی لە بارودۆخێکی باشدایە و ئاستی ئەو یانەیەی بە شێوەیەکی بەرچاو بەرەو
پێشەوە بردووە و ئێستا ڕکابەری بردنەوەی خولی ئیتاڵیا دەکەن.
گرێبەستی کۆنتی لەگەڵ یانەی ناپۆلی دوو وەرزی ماوە و
ئەگەر رۆسۆنێری بیەوێت وەرزی داهاتوو ئەو راهێنەرە سەرپەرشتی یانەکەیان بکات،
پێویستە مەرجی هەڵوەشاندنەوەی گرێبەستەکەی پێشکەشی کارگێری ناپۆلی بکەن.
چۆمان سدیق