چوار یانە چاڤی سیمۆنسیان دەوێت

PM:07:22:02/04/2025

204 جار خوێندراوەتەوە

+ -

مانچستەر یونایتد و لیڤەرپوڵ و ئارسناڵ و چێڵسی ئارەزووی گواستنەوەی سیمۆنس دەکەن لە لایپزیگ.

تەمەنە کەمەکەی و ئاستە باشەکەی چاڤی سیمۆنس پێشکەشی دەکات سەرنجی یانە گەورەکانی ئەوروپای بۆخۆی راکێشاوە بەتایبەت یانەکانی ئینگلتەرا.

رۆژنامەنووسی ئیتاڵی فابریزیۆ رۆمانۆ بڵاویکردووەتەوە هەریەکە لە یانەکانی مانچستەر یونایتد و چێڵسی و لیڤەرپوڵ و ئارسناڵ ئارەزووی گواستنەوەی ئەو ئەستێرە هۆڵەندییە دەکەن.

سەرچاوەکە بڵاویکردووەتەوە لەناو ئەو یانانەدا مان یونایتد و لیڤەرپوڵ بەجدی هەوڵی کڕینی سیمۆنس دەدەن.

لایپزیگ ئامادەیە بە 60 ملیۆن پاوەند دەستبەرداری چاڤی سیمۆنس بێت و یەکلابوونەوەی داهاتووی یاریزانەکە پەیوەستە بە خواستی یاریزانەکەوە ئایا بۆ کام یانەیان یاری دەکات.

گرێبەستی سیمۆنس لەگەڵ یانە ئەڵمانییەکە لە حوزەیرانی ساڵی 2027 کۆتایی پێدێت و بەهۆی ئەوەی یانەکەی ئامادەیە بیفرۆشێت هیچ ئەگەرێک نییە بۆ نوێ کردنەوەی ماوەکەی.

ئەستێرە هۆڵەندییەکە لەگەڵ لایپزیگ بەشداری 69 یاری کردووە و لەوماوەیەدا توانیوێتی 18 گۆڵ و 19 ئەسیست تۆماربکات.


چۆمان سدیق