PM:09:33:04/03/2025
232 جار خوێندراوەتەوە
+
-
دۆرتمۆند نرخی گیتنسی بۆ نزیکەی 70 ملیۆن یۆرۆ
دابەزاندووە و چەندین یانەش چاودێری دۆخی دەکەن.
بەگوێرەی زانیارییەکانی تۆڕی سکای سپۆرتی ئەڵمانی
یانەی بروسیا دۆرتمۆند نرخی گیتنسی لە 100 ملیۆن یۆرۆوە دابەزاندووە بۆ 60 بۆ 70
ملیۆن و بەو بڕە پارەیە ئامادەیە دەستبەرداری هێرشبەرەکەی ببێت.
سەرچاوەکە ئاماژەی بەوەش کردووە، سەرەڕای ئەو
پارە زۆرەی یانەکە لە فرۆشتنی یاریزانان دەستی دەکەوێت، هێشتا کێشەی دارایی هەیە
بەهۆی ئەنجامە خراپەکان و نەبردنەوەی هیچ ناسناوێک لەم چەند ساڵەی رابردوودا، هەربۆیە
رەنگە ناچاربن لە هاویندا گیتنس بفرۆشن.
جەیمی گیتنسی تەمەن 20 ساڵان، دەرچووی ئەکادیمیای
دۆرتموندە و لەم وەرزەی بۆندس لیگا خاوەنی حەوت گۆڵ و سێ ئەسیستە، هەریەک لە
یانەکانی بایرن میونشن، مانچێستەر یونایتد، چێڵسی و لیڤەرپوول چاودێری دەکەن
و دەیانەوێت گرێبەستی لەگەڵ واژۆبکەن.