PM:09:22:22/02/2025
80 جار خوێندراوەتەوە
+
-
ئینریکی نەیشاردەوە
یاریکردن بەرامبەر لیۆن قورسە و رووبەڕووبوونەوەی لیڤەرپوولیش یەکێک دەبێت لە
گەورەترین یارییەکانی قۆناغی 16.
پێش یارییەکەیان
بەرامبەر لیۆن، لویس ئینرکی راهێنەری پاریس سان جێرمان رایگەیاند، یارییەکە قورسە
و لیۆن بەو دواییە راهێنەریان گۆڕیوە و بەردەوامن لە کارکردن، یاریکردن لە دەرەوەی
یاریگاش هەمیشە ئاڵۆزە.
ئاماژەی بەوەشکر،
ئەوان خاڵە بەهێزەکانی رکابەرەکەیان دەزانن، دەزانن کە چۆن دەتوانن یارییەکان
بگۆڕن، لیۆن یەکێکە لە باشترین تیپەکانی خولەکە و ئەوروپاش، لەبەرئەوە دەبێت لە
باشترین ئاستدابن تا لێیان ببەنەوە.
وتیشی: لە چامپیۆنز
لیگ رووبەڕووی باشترین پێکهاتەی لیڤەرپوول دەبینەوە لە چەند ساڵی رابردوو، یەکێک
دەبێت لە گەورەترین یارییەکانی قۆناغی 16 و سەرنجراکێش دەبێت، بەڵام دڵخۆشم چونکە
هەردوولا ئاستبەرزین.
جەختیشیکردەوە،
ئامانجی هێنانی کڤارا باشترکردنی تیپەکەیان بووە، ئێستا هەموو یاریزانەکان
هاندەریان هەیە و هەمووان رکابەری دەکەن، ئەستەمە بتوانی لە پاریس یاریزانی سەرەکی
بیت.
بیلال کاکە