PM:04:26:12/02/2025
556 جار خوێندراوەتەوە
+
-
بەرشەلۆنە و ئەتلەتیکۆ لوتکەی جامی شای
ئیسپانیا ئەنجامدەدەن و ریاڵ مەدریدیش رووبەرووی سۆسیداد دەبێتەوە.
یەکێتی تۆپی پێی ئیسپانیا تیروپشکی قۆناغی
پێش کۆتایی جامی شای ئیسپانیای راکێشا کە لە یانەکانی ریاڵ مەدرید و بەرشەلۆنە و
ریاڵ سۆسیداد و ئەتلەتیکۆ مەدرید پێکهاتوون.
بڕیارە یارییەکانی ئەو قۆناغە بە شێوازی
چوون و گەڕانەوە ئەنجامبدرێن و لە 25 و 26ی ئەم مانگە و یەک و دووی مانگی ئازاری
داهاتوو بەڕێوەدەچن و دوو یانەی گەیشتوو بە یاری کۆتایی ئاشكرادەکرێن.
لە یاری لوتکەی ئەو قۆناغەدا هەردوو یانەی
بەرشەلۆنە و ئەتلەتیکۆ مەدرید رووبەڕووی یەکدەبنەوە بە شێوەیەک یاری چوون لە
یاریگای یانە کەتەلۆنیەکە و یاری گەڕانەوەش لە یاریگای ئەتلەتیکۆ ئەنجامدەدرێن.
لە هەمان قۆناغدا، یانەی ریاڵ مەدرید لە یاری
چووندا دەبێتە میوانی ریاڵ سۆسیداد بەڵام لە یاری گەڕانەوەدا و لە یاریگای
سانتیاگۆ بێرنابیۆ میوانداری دەکات.
بڕیاریشە یاری کۆتایی ئەم وەرزەی جامی شای
ئیسپانیا لە 26ی مانگی چواری ئەمساڵ لە یاریگای لاکارتوخا لە شاری سیڤییە
بەڕێوەبچێت و براوەی نازناوەکە یەکلابکرێتەوە.
خ . ک