AM:11:44:22/01/2025
108 جار خوێندراوەتەوە
+
-
دانیلۆ بڕیاری جێهێشتنی یۆڤانتۆسی داوە و لە
بەڕازیلیش کێبڕکێ لەسەر گواستنەوەی دەکرێت.
تیاگۆ مۆتای راهێنەر سەرقاڵی دووبارە بنیاتنانەوەی
یانەی یۆڤانتۆسە و بەو هۆیشەوە بەشێک لە یاریزانانی ئێستای خستووەتە دەرەوەی
پلانەکانی و یەکێک لەو یاریزانانەش دانیلۆ لویز دا سیلڤایە.
بەگوێرەی زانیارییەکانی فابریزۆ رۆمانۆش، دوای 12
ساڵ دانیلۆ بڕیاریداوە تۆپی پێی ئەوروپا جێبهێڵێت و بۆ وێستگەی داهاتووی یاریکردنی
بگەڕێتەوە بۆ یانەیەکی خولی بەڕازیلی.
هەر بەپێی زانیارییەکانی ئەو رۆژنامەنووسە، ئێستا
یانەی فلامینگۆ پێشەنگی ئەو یانانە دەکات کە دەیانەوێت بەرگریکارە 33 ساڵانەکە
بگوازنەوە بۆ ریزەکانیان، وە یانەی سانتۆس کە پێشتر یاریزانەکە یاری لێدەکرد
یەکێکە لە خوازیارەکانی دانیلۆ.
یاریزانە بەڕازیلییەکە لەڕێگای یانەی پۆرتۆی
پورتوگالی رووی لە ئەوروپا کرد و سێ ساڵ لەو یانەیە مایەوە پاشان روویکردە ریاڵ
مەدرید، دواتریش چووە یانەی مان سیتی، درێژترین ماوەی یاریکردنیشی لە ئەوروپا
لەگەڵ یوڤێنتوس بوو کە لە ساڵی 2019 دەستیپێکرد و تا ئێستاش بەرەوامە.