AM:10:50:07/12/2024
96 جار خوێندراوەتەوە
+
-
ئینریکی
دوپاتیکردەوە سەرسام بووە بە گۆڵچی ئۆکسێر و ئەنجامی یارییەکە دڵتەنگی کردووە.
یانەی پاریس سان
جێرمان لە خولی فەرەنسا بەرامبەر ئۆکسێر یەکسانبوو، دوای ئەو یارییە لویس ئینریکی
راهێنەری پاریس دوپاتیکردەوە کە یاریزانەکانی ئاستێکی باشیان پێشکەش کردووە بەڵام
لە ئەنجامی کۆتایی رازی نین.
ئینریکی دەڵێت،
هەموو ئەوانەی کە سەیری یارییەکانی ئێمە دەکەن رەشبینن و بیرکردنەوەی نەرێنیان
هەیە بەرامبەر ئێمە لەبەرئەوە پێویستە ئەو بارودۆخە بگۆڕین.
دەشڵێت، گۆڵچی
یانەی ئۆکسێر سەرسامی کردم، ئەو زۆر بەهێز بوو کاردانەوەی بەرامبەر 25 هەلی گۆڵی
ئێمە هەبووە، دەیانزانی یاریکردن لە یاریگای ئۆکسێر ئاسان نابێت.
لە درێژەی
قسەکانیدا باسی لەوە کرد کە گرنگی بە رەخنەکان دەدەن و تێدەگەن لەو رەخنانەی کە
لێیان دەگیرێت، بە هیچ شێوەیەک کۆڵنادەن و بەردەوام دەبن لەسەر کارەکانیان.
دوپاتیکردەوە کە یاریزانی
پێویستی لەبەردەستدایە و هیچ گلەییەکی لە پێکهاتەکەی نییە بەڵام بەشێک لە
یاریزانەکانی هەست بە ماندوبوون دەکەن بەڵام سەرەڕای ئەوە دەبێت لە یاری داهاتووی
چامپیۆنز لیگدا بردنەوە بەدەستبهێنن.
خ . ک