PM:05:47:14/11/2024
376 جار خوێندراوەتەوە
+
-
پاڵێوراوانی خەڵاتەکانی گڵۆب سۆکەر بڵاوکرانەوە کە دەبەخشرێنە
باشترینەکانی وەرزی پێشووی هەموو جیهان.
كۆمەڵەی وەرزشی دوبەی لیستی پاڵێوراوانی خەڵاتەكانی گڵۆب سۆكەریان بۆ
ساڵی 2024 بڵاوكردەوە کە وا بڕیارە ئاهەنگی دابەشكردنی خەڵاتەكان لە 27ی مانگی
داهاتوو بەڕێوەبچێت.
لە لیستەكەدا 30 یاریزان پاڵێوراون بۆ بردنەوەی خەڵاتی باشترین
یاریزانی ساڵ، كە هەریەك لە یاریزانان لیۆنێل مێسی، كریستیانۆ رۆناڵدۆ، ڤینیسیۆس
جونیۆر و كیلیان مباپێ و لامین یامال هاوشانی رۆدری براوەی خەڵاتی باڵۆندۆر
دەبیندرێن.
لە ئاستی راهێنەرانیش نۆ راهێنەر پاڵێوراون، کە دیارترینیان بریتین
لە، کارلۆ ئەنچیلۆتی و گواردیۆلا و دی فۆنتی و چابی ئەڵۆنسۆ و سکالۆنی.
وە لە ئەهەنگەکەدا خەڵات دەبەخشرێتە باشترین هێرشبەر و ناوەڕاستکار و
باشترین یاریزانی لاوی جیهان.
یەکێتی تریش لە خەڵاتەکان، خەڵاتی باشترین یانەی جیهانە کە 12 یانە
پاڵێوراوی بردنەوەین و دیارترین یانەکانیش بریتین لە، ریاڵ مەدرید و مان سیتی و
پاریس و سپۆرتینگ لەگەڵ ئینتەر میلان و بایەر لیڤەرکوزن و عەینی ئیماراتی و ئەتلەتیکۆ
مینیرۆ بەڕازیلی.