AM:12:57:06/11/2024
216 جار خوێندراوەتەوە
+
-
لە چامپیۆنز لیگ لیڤەرپوڵ بردنەوەی بەسەر لیڤەرکوزن بەدەستهێنا و سپۆرتینگ چوار گۆڵی لە مان سیتی تۆمارکرد.
لە قۆناغی یەکەمی چامپیۆنز لیگ، یانەی لیڤەرپوڵی ئینگلیزی لە یاریگای ئانفێڵد میوانداری یانەی بایەر لیڤەرکوزنی ئەڵمانی کرد.
لە تایمی یەکەمدا، یاریزانانی هەردوو یانە ئاستێکی مامناوەندیان پێشکەش کرد و نەیانتوانی گۆڵ تۆمار بکەن.
لە تایمی دووەمدا و لە خولەکەکانی 61 و 63 و 83 و 92 لیڤەرپوڵ چوار گۆڵی تۆمارکرد لە رێگەی لویز دیاز سێ گۆڵ و کۆدی گاکپۆ، سەرەنجام یاریەکەیان بە ئەنجامی چوار گۆڵی بێبەرامبەر بردەوە.
لە یارییەکانی تریشدا، یانەی مانچستەر سیتی ئینگلیزی رووبەڕووی سپۆرتینگی پورتوگالی بووەوە و بە گۆڵێک بەرامبەر چوار گۆڵ یاریەکەی پێدۆڕاند، لیل و یۆڤانتۆسیش بە گۆڵێک یەکسانبوون.
بەو ئەنجامانە، لیڤەرپوڵ 12 خاڵی هەیە و لە پێشەنگی ریزبەندیدایە بە جیاوازی دوو خاڵ لەگەڵ سپۆرتینگی دووەم، مان سیتی بە حەوت خاڵ لە پلەی پێنجەمدایە و یۆڤانتۆس پلەی 10ی گرتووە.
خ . ک