PM:11:14:05/11/2024
324 جار خوێندراوەتەوە
+
-
لە چامپیۆنز لیگی ئاسیا نەسڕ گۆڵبارانی عەینی
کرد و بە پێنج گۆڵ بەرامبەر بە گۆڵێک لێی بدەوە.
لە یارییەکانی قۆناغی یەکەمی چامپیۆنز لیگی ئاسیا،
نەسڕ لە یاریگای ئەوەل پارک میوانداری عەینی ئیماراتی کرد.
لە تایمی یەکەم نەسڕ بە تەواوی کۆنترۆڵی
یارییەکەیان کرد و هەر لە خولەکی پێنجیش لە رێگای تالیسکەوە بە گۆڵێک پێشکەوتن،
پاش ئەوەش دوو گۆڵی تریان تۆمارکرد لە خولەکەکانی 31 و 37 لەڕێگای کریستیانۆ
رۆناڵدۆ و کاردۆسۆوە بە هەڵە.
لە تایمی دووەم، لە خولەکی 56 کرێپسکی بە
هەڵە گۆڵێکی بە خۆیان تۆمارکرد و جیاوازییەکەی بۆ عەین کەمکردەوە، بەڵام پاش ئەوە
دووبارە نەسڕ باشتر بینران و توانیان لە خولەکەکانی 81 و چواری کاتی زیادکراو لە رێگای
وێسڵی و تالیسکاوە دوو گۆڵی تر تۆماربکەن و سەرەنجامیش یارییەکە بە پێنج گۆڵ بەرامبەر
بە گۆڵێک لە بەرژەوەندی رۆناڵدۆ و هاوڕێکانی کۆتایی پێهات.
بەم ئەنجامەش خاڵەکانی نەسڕ لە چوار یاریدا بوون
بە 10 خاڵ و لە پلەی سێیەم دێت، عەینیش تەنیا یەک خاڵی هەیە و لە پلەی کۆتایدا
جێگیربووە.