PM:08:47:29/09/2021
776 جار خوێندراوەتەوە
+
-
سبەینێ لە یۆرۆپا لیگدا، ناپۆلى میواندارى سپارتاک دەکات و لازیۆ و
لۆکۆمۆتیڤیش ڕووبەڕووى یەکدەبنەوە.
لە جەولەى دووەمى قۆناغى کۆمەڵەکانى خولى ئەوروپا، سبەینێ کاتژمێر حەوت و
45 خولەکى شەو، ناپۆلى ئیتاڵى لە یاریگاى دێگۆ ئەرماندۆ مارادۆنا، میواندارى
سپارتاک مۆسکۆى ڕوسى دەکات.
لە هەمان کاتدا و لە یارییەکانى تردا، فەنەرباخچەى تورکى و ئۆڵمپیاکۆسى
یۆنانى ڕووبەڕووى یەکدەبنەوە و مۆناکۆى فەڕەنسیش دەبێتە میوانى ڕیاڵ سۆسیدادى
ئیسپانى و ئایندهۆڤنى هۆڵەندیش لە دەرەوەى یاریگاى خۆیدا بەرامبەر شتۆرمى نەمسایى
یارى دەکات.
لە کاتژمێر 10ى شەویشدا، لازیۆى ئیتاڵى لە یاریگاى ئۆڵمپیکۆى ڕۆماى پایتەختدا،
میواندارى لۆکۆمۆتیڤ مۆسکۆى ڕوسى دەکات.
لە یارییەکانى تردا و لە هەمان کاتدا، مارسیلیاى فەڕەنسى و گەڵاتەسەراى
تورکى ڕووبەڕووى یەکدەبنەوە و سیڵتیکى سکۆتلەندى میواندارى بایەر لیڤەرکوزنى
ئەڵمانى دەکات، ڕیاڵ بیتیسى ئیسپانیش لە دەرەوەى یاریگاى خۆیدا، دەبێتە میوانى
فیرینکڤارۆشى هەنگارى.