AM:09:56:01/05/2023
1336 جار خوێندراوەتەوە
+
-
میسى بە گەشتێکى کتوپڕ
گەیشتە ڕیازى پایتەختى سعودیە و ئەمەش جۆش و خرۆشى هاندەرانى جوڵاندووە.
لە تۆڕە
کۆمەڵایەتیەکاندا گرتە ڤیدیۆى گەیشتنى لیۆنێل میسى ئەرجەنتینى یاریزانى یانەى
پاریس سان جێرمانى فەڕەنسى لەگەڵ هاوسەر و منداڵەکانی بە ڕیازى پایتەختى سعودیە
بڵاوکراوەتەوە.
ئەم گەشتە کتوپڕەى میسى
بۆ سعودیە جۆش و خرۆشى هاندەرانى جوڵاندووە، بەتایبەت کە ماوەیەکە ئەستێرە
ئەرجەنتینیەکە پەیوەستکراوە بە پەیوەندیکردن بە خولى ڕۆشنى سعودییەوە.
تا ئێستا هۆکارى
گەشتەکەى میسى بۆ سعودیە ئاشکرانییە، بەڵام پێشتر لیۆ چەند مانگێگ پێش ئێستا ڕێککەوتنێکى
ئیمزاکردووە بۆ ئەوەى ببێتە باڵوێزى گەشتیارى ئەو وڵاتە.
گرێبەستەکەى میسى لەگەڵ
پاریس سان جێرمان لە کۆتایى ئەم وەرزەدا کۆتایى دێت و تا ئێستا لەسەر نوێکردنەوەى
نەگەیشتوونەتە ڕێککەوتن.
بەشێک لە ڕاپۆرتە
ڕۆژنامەنوسیەکانیش باس لەوەدەکەن، میسى بیر لە گەڕانەوە بۆ یانەى بەرشەلۆنەى
ئیسپانى دەکاتەوە، لە ڕێگەى گرێبەستێکى خۆڕاییەوە.
میسى 35 ساڵ لەم وەرزەدا
لەگەڵ پاریس سان جێرمان بەشدارى 37 یارى کردووە لە سەرجەم پاڵەوانێتییەکاندا و 20
گۆڵ و 19 ئەسیستى تۆمارکردووە.
گ . ف